कानपूर :- प्रेमाचं वय अडचण ठरत नाही की आणखी काही. म्हणूनच प्रेम आंधळं असतं असं म्हणतात. मात्र कधी कधी प्रेम काही नैतिक, कायदेशी गोष्टी टाळून पुढे जातं तेव्हा त्यावरचे आक्षेपही वाढत जातात.
असाच काहीसा धक्कादायक प्रकार सध्या उत्तर प्रदेशमधील कानपूर शहरात घडला आहे. कानपूर शहरातल्या एका प्रसिद्ध शाळेतील शिक्षिका चक्क १० वी तील विद्यार्थ्यांच्या प्रेमात पडली आहे. मात्र या मुलाच्या पित्याने ज्या प्रकारची तक्रार पोलीस अधीक्षकांकडे केलेय, त्यानुसार शिक्षिकेच्या अडचणी वाढण्याची शक्यता आहे.
शिक्षिका या विद्यार्थ्याला शारीरिक संबंध ठेवण्यासाठी प्रवृत्त करत असल्याचा आरोप करण्यात आला आहे. तसेच अश्लील चॅटिंग करत असून धर्म परिवर्तन करण्यासाठी दबावही आणत आहे. विद्यार्थ्यांच्या पित्याने यासंदर्भात सहाय्यक अधीक्षकांकडे तक्रार केल्यांनतर संबंधित पोलीस स्थानकाला प्रकरणाचा तपास करण्याचे आदेश देण्यात आले आहेत.
वास्तविक, हे सर्व प्रकरण कानपूर शहरातल्या कैंट पोलीस स्थानकाच्या अखत्यारीत येणाऱ्या शाळेतील आहे. उन्नावमधील एका व्यक्तीने एएसपी बृज नारायण सिंह यांना पत्र पाठवून याबाबत तक्रार केली आहे.
या पात्रात असं म्हटलंय की, त्याचा मुलगा १० वी मध्ये शिकत आहे. मात्र, त्याच्या शाळेतील एक शिक्षिका त्याच्यासोबत रात्र-रात्रभर मोबाईलवर चॅटिंग करत असते. तसेच शारीरिक संबंध ठेवण्यासाठी दबाव आणत आहे. त्याचबरोबर ही शिक्षिका, तिचा पती आणि भाऊ तिघे मिळून आपल्या मुलाला धर्म परिवर्तन करण्यासाठी दबाव आणत असल्याचा आरोप केला आहे. दरम्यान या व्यक्तीने आपल्या मुलाचे आणि शिक्षिकेच्या चॅटिंगचे स्क्रीन शॉट सुद्धा पाठवले आहेत.
यासंदर्भात माहिती देताना एसीपी म्हणाले, संबंधित व्यक्तीने आपल्या मुलाचे आणि शिक्षिकेच्या बोलण्याचे पुरावे दिले आहेत. मात्र धर्म परिवर्तना संदर्भात पुरावे मागितले होते, ते अद्याप देऊ शकलेले नाहीत. मुलाने चॅटिंग डिलीट केल्याचं कारण दिलं आहे. दरम्यान कैंट पोलीस स्थानकाला या प्रकरणी तपास करण्याचे आदेश देण्यात आले आहेत. तसेच शारीरिक संबंध आणि धर्म परिवर्तन करण्यासाठी दबावाबाबत तपास सुरू आहे. जी माहिती समोर येईल त्यावर पुढील कारवाई केली जाईल, अशी माहिती त्यांनी दिली.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
