जळगाव:- देशभरात शारदीय नवरात्री महोत्सवास प्रारंभ झाला आहे. मात्र, या घटनेच्या पहिल्याच दिवशी एक दुर्वैवी घटना घडली आहे. नवरात्रोत्सवानिमित्त बऱ्हाणपूर येथून देवीची मूर्ती घेऊन परतात असताना अपघात झाल्याने देवीची मूर्ती अंगावर पडून तरुणाचा मृत्यू झाला.
मृत तरुण जळगावच्या मेहरूण परिसरातील जोशी वाडा येथील असून पुर्नाड फाट्यावर वाहनाचा अपघात झाला. या घटनेनंतर मेहरूण परिसरात शोककळा पसरली आहे. याबाबत मुक्ताईनगर पोलीस स्टेशनला अकस्मात मृत्यूची नोंद करण्यात आली आहे.
संजय उर्फ जितू गोपाल कोळी (वय 25 रा. जोशी वाडा, मेहरूण) असे मयत तरुणाचे नाव आहे. याबाबत सूत्रांनी दिलेली माहिती अशी की, कॉलनीत नवरात्र उत्सवानिमित्त देवी बसवण्यासाठी तयारी चालली होती. त्याकरिता देवीची मूर्ती बऱ्हाणपूर येथून आणण्यासाठी मंडळाचे काही कार्यकर्ते हे शनिवारी गेलेले होते. तेथून परतत असताना रात्रीच्या सुमारास पुर्नाड फाट्यावर वाहनाचा अपघात झाला. या अपघातामध्ये देवीची मूर्ती जितू उर्फ संजय कोळी यांच्या अंगावर पडल्याने त्याच्याखाली दाबून त्याचा मृत्यू झाला.
अपघातानंतर त्याच्या मित्रांनी तात्काळ त्याला उपजिल्हा रुग्णालय, मुक्ताईनगर या ठिकाणी उपचारासाठी दाखल केले. तेथे वैद्यकीय अधिकाऱ्यांनी त्यास मयत घोषित केले. ही बातमी गावात वाऱ्यासारखी पसरली. कुटुंबियांनी तर एकच आक्रोश केला. एमआयडीसी जळगाव येथील एका कंपनीमध्ये तो खिडक्यांच्या सेंटरिंगचे काम करीत होता. दरम्यान मुक्ताईनगर पोलीस स्टेशनला आकस्मात मृत्यूची नोंद करण्यात आली आहे. मयत जितू उर्फ संजय कोळी यांच्या पश्चात आई-वडील, पत्नी, एक मुलगा, एक मुलगी आणि दोन भाऊ असा परिवार आहे. तर दुसरीकडे नवरात्री महोत्सवाच्या पहिल्याच दिवशी अशी घटना घडल्याने उत्सवाला गालबोट लागलं आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
