हदगाव :- मराठा आरक्षणासाठी आणखी एका तरुणाने आपली आहुती दिली आहे. हदगाव तालुक्यातील शुभम सदाशिव पवार या 24 वर्षीय तरुणाने अर्धापूर पोलीस ठाण्याच्या हद्दीत विषारी औषध प्राशन करून मृत्युला कवटाळले. शुभम पवार हा प्लंबरचे काम करत होता आणि हदगाव तालुक्यातील वडगाव येथील रहिवासी होता. काम करत करत तो शिक्षणही घेत होता. शनिवारी सकाळी तो मुंबईहून नांदेड येथे आला. वडिलांना फोन करून त्यांना बहिणीकडे फ्रेश होऊन गावाकडे येतो असे कळवले. मात्र तो घरी गेलाच नाही.
कुटुंबियांचा फोनही उचलला नाही. त्यामुळे घाबरलेल्या कुटुंबियांनी तामसा पोलीस ठाण्यात तक्रार दिली. पोलिसांनी शुभमचे मोबाईल लोकेशेन शोधले असता ते अर्धापूर परिसरात असल्याचे आढळले. त्यानंतर पोलिसांनी तात्काळ तिथे धाव घेतली. अर्धापूर येथील नरहरी मंगल कार्यालयाजवळील झाडीत शुभमचा मृतदेह आढळून आला. त्याच्याजवळ विषारी औषधाचा डब्बा, पावती आणि चिठ्ठी आढळली.एक मराठा लाख मराठा’, मराठा आरक्षण भेटण्यासाठी मी माझ्या जिवाचे बलीदान देत आहे, माझे हे बलीदान वाया जाऊ नये’, असा मजकूर यात लिहिलेला होता.
पोलिसांनी शुभमचा मृतदेह ताब्यात घेतला असून शवविच्छेदनासाठी नांदेडच्या शासकीय रुग्णालयात पाठवलाआहे. याप्रकरणी केशवराव पवार यांनी दिलेल्या माहितीवरून अर्धापूर पोलीस ठाण्यात आकस्मिक मृत्यूची नोंद करण्यात आली आहे. पुढील तपास पोलीस निरीक्षक हनुमंत गायकवाड यांच्या मार्गदर्शनाखाली दीपक मस्के हे करत आहेत.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
