पलामू (झारखंड) :- प्रेमाच्या आणाभाका घेतल्यानंतर प्रेयसीला लग्नास नकार देणं एका तरुणाला खूप महागात पडलं आहे. झारखंडमध्ये लग्नाला नकार देणाऱ्या प्रियकराची तरुणीने कुऱ्हाडीने वार करून हत्या केल्याची धक्कादायक घटना समोर आली आहे.अंजली कुमारी असे 20 वर्षीय आरोपी तरुणीचे नाव असून तिने 24 वर्षीय धर्मेंद्र ओराव नावाच्या तरुणाची हत्या केली आहे.

धर्मेंद्र ओराव या तरुणाने लग्नास नकार दिल्याने त्याची गर्लफ्रेंड अंजडली चांगलीच चिडली होती. तिचा राग एवढा वाढला की तिने कट रचून धर्मेंद्रला भेटायला बोलवलं आणि तो झोपेत असताना कुऱ्हाडीने वार करून धर्मेंद्रची हत्या केली. खून केल्यानंतर तिने मृतदेह झुडपात लपवला आणि तेथून पळ काढला. दरम्यान रविवारी मृत धर्मेंद्रचा मृतदेह आढळल्यानंतर हे प्रकरण समोर आले. या प्रकरणी तपास केल्यानंतर पोलिसांनी आरोपी तरुणीला अटक केली आहे.

पोलिसांना सापडले रक्ताने माखलेले कपडे…

हे प्रकरण झारखंडच्या पलामू जिल्ह्यातील पाटण पोलीस स्टेशन हद्दीतील कोल्हुआ गाव येथील आहे. येथील 20 वर्षीय आरोपी तरुणी अंजली कुमारी हिने प्रियकराची निघृणपणे हत्या केली आहे. तपासाअंती पोलिसांनी हत्येसाठी वापरलेली कुऱ्हाड, मुलीचे रक्ताने माखलेले
कपडे आणि इतर पुरावे गोळा केले आहेत. पोलिसांनी घटना समोर आल्यानंतर 48 तासांत या प्रकरणाची उलगडा केला आणि आरोपी तरुणीला ताब्यात घेतले.

भेटायला बोलावलं अन् जीव घेतला…

आरोपी तरुणी अंजली आणि मृत धर्मेंद्र ओराव यांचे एकमेकांवर प्रेम होते असे सांगण्यात येत आहे. दोघांचे चांगले प्रेमसंबंध होते आणि त्यांनी प्रेमाच्या अनेक आणाभाका घेतल्या होत्या असे देखील सांगण्यात येत आहे. अंजलीला धर्मेंद्रशी लग्न करायचे होते पण धर्मेंद्रने तिच्याशी लग्न करण्यास नकार दिला. ही गोष्ट अंजलीच्या जीव्हारी लागली आणि तिने धर्मेंद्रच्या हत्येचा कट रचला. यानतंर तिने धर्मेंद्रला भेटण्याठी दाट झाडी असलेल्या परिसरात बोलावले. दोघांनी काही वेळ सोबत घालवला, तोपर्यंत धर्मेंद्रला अंजलीच्या मनात काय आहे याची कल्पना देखील आली नाही. दोघांच्या गप्पा झाल्यानंतर धर्मेंद्र झोपला आणि याच परिस्थितीत अंजलीने कुऱ्हाडीने वार करून त्याची हत्या केली.

तपासादरम्यान पोलिसांना अंजलीवर संशय
कुऱ्हाडीच्या हल्ल्यात धर्मेंद्रचा जागीच मृत्यू झाला आणि अंजली त्याला तिथे सोडून पळून गेली. धर्मेंद्रचा मृतदेह रविवारी स्थानिक लोकांना आढळून आल्यानंतर हे संपूर्ण प्रकरण समोर आले. यानंतर पोलिसांनी पंचनामा करून तपास सुरू केला. तपासादरम्यान पोलिसांना अंजलीवर संशय आला. यानंतर पोलिसांनी अंजलीची चौकशी केली, तेव्हा या प्रकरणाचा उलगडा झाला. अवघ्या 48 तासांत पोलिसांनी या प्रकरणाची उकल केली आणि आरोपी तरुणीला अटक केली आहे.

हे पण वाचा

• अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
• एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
• खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
• एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
• ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.