जामनेर : – ग्रामपंचायत निवडणुकीत पराभव झाल्याचा राग आल्याने एकावर ट्रॅक्टर नेऊन जीवे ठार मारण्याचा प्रयत्न केल्याचा खळबळजनक प्रकार जळगाव जिल्ह्यात घडला आहे. याबाबत गुरुवार, ९ नोव्हेंबर रोजी मध्यरात्री २ वाजेच्या सुमारास एकावर पोलिसांत गुन्हा दाखल करण्यात आला.पोलीस सूत्रानुसार, जामनेर तालुक्यातील पहुरपेठ येथे रामेश्वर बाबुराव पाटील (४२) हे आपल्या परिवारास वास्तव्यास आहे.
दरम्यान नुकतेच पहूरपेठ ग्रामपंचायत निवडणुकीचा निकाल लागला आहे. या निकालात त्रस्त व्यक्तीचा पराभव झाला होता. याचा राग आल्याने त्रस्त व्यक्तीने रामेश्वर बाबुराव पाटील यांना जीवेठार मारण्याच्या उद्देशाने मोहसीन खान नवाब खान रा. मालेगाव जि. जळगाव यास सांगून ट्रॅक्टर क्र. (एमएच १८ बीजी ४१४२) ने अंगावर नेला.
दरम्यान, सोबत असलेल्या काही जणांनी त्याला ट्रॅक्टरला अडवण्याचा प्रयत्न केला असता संशयित आरोपी मोहसीन खान नवाब खान याने न जुमानता समोर असलेल्या दुचाकीवर नेवून नुकसान केले. या प्रकरणी रामेश्वर पाटील यांनी दिलेल्या फिर्यादीवरून संशयित आरोपी मोहसीन खान नवाब खान यांच्या विरोधात पहूर पोलीस ठाण्यात गुन्हा दाखल करण्यात आला आहे. पुढील तपास पोलीस निरीक्षक सचिन सानप करीत आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
