जिंतूर – सर्वत्र बहीण भावाच्या पवित्र नात्याचा सण भाऊबीज आनंदी वातावरणात साजरा होत असतानाच शहरातील हुतात्मा स्मारक भागात एका ३५ वर्षीय बहिणीने राहत्या घरी गळफास घेऊन जीवनयात्रा संपवल्याची धक्कादायक घटना रात्री दहाच्या सुमारास समोर आली. आत्महत्येचे निश्चित कारण समजू शकले नाही. अर्चना घुले असे आत्महत्याग्रस्त बहिणीचे नाव आहे. पोलिस ठाण्यात घटनेची नोंद करण्यात आली आहे.
घटनेबाबत मिळालेली अधिक माहिती अशी की, शहरातील हुतात्मा स्मारक भागात नरहरी घुले व त्यांची पत्नी अर्चना घुले हे दाम्पत्य आपल्या दोन मुलींसह राहतात. घटनेच्या दिवशी भाऊबीजेच्या सणाचे जेवण झाल्यावर अर्चना यांनी रात्री १० वाजेच्या सुमारास घरातील छताच्या पंख्याला साडी बांधून गळफास घेतला.घरच्यांना लक्षात आल्यावर त्यांनी तत्काळ एका खाजगी रुग्णालयात त्यांना उपचारासाठी दाखल केले.मात्र तत्पूर्वीच अर्चना घुले यांचा मृत्यू झाला होता.
दरम्यान, त्यांची एक मुलगी अपंग मुलगी असल्यामुळे त्या नेहमी मानसिक तणावात असल्याने आत्महत्या केल्याचे त्यांच्या नातेवाईकांनी सांगितले. यावेळी ग्रामीण रुग्णालयात पोलीस कॉन्स्टेबल लीला जोगदंड यांनी पंचनामा केला असून घटनेची नोंद पोलिस ठाण्यात करण्यात आली. दरम्यान ऐन भाऊबीजेच्या दिवशीच विवाहितेने आत्महत्या केल्याने सर्वत्र हळहळ व्यक्त करण्यात येत आहे अर्चना घुले यांच्या पश्चात पती दोन मुली असा परिवार आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
