एरंडोल : – सुमारे शंभर वर्षांची परंपरा लाभलेला आणि परिसरासह खान्देशात प्रसिध्द असलेल्या हिंदू-मुस्लिम जनतेचे ऐक्य लोकप्रिय उरूस (यात्रा) सालाबादाप्रमाणे 29 नोव्हेंबर ते 2 डिसेंबर 2023 दरम्यान साजरा होणार आहे. अनेकांचे श्रध्दास्थान असून नवस फेडण्यासाठी हजारो भाविक दरवर्षी एरंडोलला येतात. परंतू अलीकडील काही वर्षांपासून यात्रेचे स्वरूप बदलल्याने जबाबदार कोण ? असा संतप्त सवाल असून शांतता समितीला बैठक घेण्याची नागरीकांची मागणी आहे.
सुमारे 15 दिवस चालणार्या या यात्रेत मोठी उलाढाल होत असली तरी फसवणूकीचे खेळ, जुगार यामुळे अनेकांना लुबाडले जाते. म्हणूनच प्रशासन, पोलिसांनी (झोपेचे सोंग घेतलेले) जागे व्हावे अशी अपेक्षा व्यक्त केली जात आहे. खान्देशातील चोरवड, माहिजी, सारंगखेडा, एरंडोल या प्रमुख यात्रा असून 15 दिवसांच्या अंतराने दरवर्षी मोठ्या उत्साहात साजर्या केल्या जातात. या यात्रांमधून मोठी उलाढाल होत असून अनेकांची अपेक्षा, इच्छापूर्ती झाल्याने नवस फेडले जातात. विशेष म्हणजे नथ्थू बापू यात्रेतील गरम भजी आणि गुळाची जिलेबीची चवच न्यारी. त्यामुळे संध्याकाळी अथवा रात्री निवांतवेळी भजी-जिलेबीचा आस्वाद घेतला जातोच.
एक गोष्ट खेदाने नमुद केली जाते की, यात्रेसाठी, खाऊसाठी घरून पैसे आणणारे लहान मुले मात्र फसवणूकीचे खेळ, पत्त्यांचे जुगारात पैसे लावून हरतात आणि उपाशीपोटी घरी येतात. यासाठी पोलिसांच्याच मुकसंमतीने (?) हे सर्व राजरोसपणे चालते हेही तेवढेच खरे. यातून मोठी उलाढाल तर होतेच परंतू अनेकांचे हात ओले होतात त्याचं काय ? मौत का कुवा, धडकगाडी, पाळणे, रेल्वेगाडी मात्र लहानांसह महिलांची आवड. निदान यंदातरी ही फसवेगिरी थांबावी अशी अपेक्षा. यासाठीच शांतता समिती बैठक व्हावी हीच अपेक्षा.
हे पण वाचा
- Viral Video:बायकोनं नवऱ्याला गर्लफ्रेंडसोबत पकडलं रंगेहात;अन् भररस्त्यात केली दोघांची धो धो धुलाई पहा व्हिडिओ.
- ‘तो तिच्यावर करत होता जीवापाड प्रेम’ पण ‘ती’…… आयुर्वेदिक औषधात विष मिसळून प्रियकराची केली हत्या; प्रेयसीला कोर्टाने घडवली जन्माची अद्दल
- चोपडा वनपरिक्षेत्रातील वनकर्मचाऱ्यावर हल्ला; अवैध वृक्षतोड प्रकरणात मोठी कारवाई.
- “तुमच्या प्रेमामुळे माझं बळ वाढतं, विकास हेच माझं ध्येय” – पालक मंत्री गुलाबराव पाटील; आव्हाणे येथे भव्य नागरी सत्कार संपन्न.
- प्रेम संबंधांत अडसर ठरणाऱ्या नवऱ्याला प्रियकराच्या मदतीने दारू पाजली,अन् स्वत:च्याच हाताने कपाळाचं कुंकू पुसलं.
