जामनेर (प्रतिनिधी) :- कासोदा येथील सार्वजनिक माध्यमिक विद्यालयातील मुख्याध्यापिका सौ.महानंदा भावराव पाटील यांनी बनावट जन्मादेश दाखला सादर करून सेवेचे वर्ष वाढवून शासनाची फसवणुक केल्या प्रकरणी जामनेर न्यायालयाने त्यांना ३ वर्षे सक्त मजुरीची शिक्षा ठोठवली आहे.याबाबतचे सविस्तर असे की, कासोदा ता. एरंडोल येथील सार्वजनिक माध्यमिक विद्यालयाच्या मुख्याध्यापिका सौ.महानंदा भावराव पाटील या नियम व वयोमानानुसार सन २०१५ मध्ये सेवानिवृत्त होणार होत्या परंतु त्यानंतरही त्यांनी सेवेत कायम हजर राहून शासकीय लाभ प्राप्त करण्याच्या गैरहेतूने प्रतिज्ञा पत्रात जाणीवपूर्वक खोटी जन्मतारीख नमूद केली होती,

सदर जन्म दाखला त्यांनी जामनेरचे तत्कालीन कार्यकारी दंडाधिकारी यांची दिशाभूल करून खोटी कागदपत्रे सादर करून प्राप्त केला होता.या प्रकरणी शिक्षण संस्थेने येथील तहसीलदार यांच्याकडे तक्रार दाखल केली होती त्या तक्रारीची सुनावणी तत्कालीन तहसीलदार चंद्रकांत देवगुणे यांनी घेऊन पोलीस स्टेशनला फिर्याद दिली होती.या गंभीर गुन्ह्याची सुनावणी आज जामनेर न्यायालयासमोर झाली, सदर प्रकरणात सरकारी वकील ॲड. सौ. कृतिका भट यांनी एकूण सात साक्षीदारांची साक्ष घेतली यात नरेंद्र भिकनराव पाटील यांची साक्ष महत्त्वपूर्ण ठरली.

आरोपीने केलेला गुन्हा हा आर्थिक स्वरूपाचा व गंभीर असून शासनाची दिशाभूल करणारा आहे असा जोरदार व्यक्तिवाद सरकारी वकिलांनी केला,हा युक्तिवाद ग्राह्य धरून जामनेर न्यायालयाने मुख्याध्यापिका सौ.महानंदा भावराव पाटील यांना दोषी धरत ३ वर्षे सक्त मजुरीची शिक्षा ठोठावली आहे. न्या.दि.न चामले यांचे न्यायासनासमोर सदर घटला चालला,खटल्यात सरकारी वकील म्हणून ॲड. रवींद्रसिंह देवरे व ॲड.अनिल सारस्वत यांनीही काम पाहिले तर त्यांना ॲड. प्रसन्न पाटील यांनी मदत केली. तपास अधिकारी तत्कालीन पोलीस उपनिरीक्षक दिलीप शिरसाठ होते तर न्यायालयात पैरवि अधिकारी म्हणून पो.हे.कॉ चंद्रकांत बोदडे व पोलीस कॉन्स्टेबल निलेश सोनार यांनी मदत केली.सरकार पक्षास अँड प्रसन्न पाटील यांनी मदत केली.

हे पण वाचा

• Viral Video :”तू माझ्या आईला शिवीगाळ कशी काय करू शकतेस?” एकमेकींच्या झिंज्या उपटत दोन महिलांमध्ये तुफान राडा पहा व्हिडिओ.
• अपूर्ण अवस्थेतील घरकुल योजना पूर्ण करून बेघरवासीयांना घरकुले मिळून द्यावीत; एरंडोल येथील घरकुलांचे भिजत घोंगडे सोडण्याची आमदार अमोलदादा पाटील यांच्याकडे मागणी.
• घरगुती गॅस सिलिंडर मधून बेकायदेशीरपणे वाहनात गॅस भरणाऱ्या टोळीवर अमळनेर पोलिसांच्या छापा, 38 गॅस सिलिंडर जप्त, चौघांना अटक.
• जळगाव एलसीबीच्या पथकाने बाहेर जिल्ह्यातील अट्टल दुचाकी चोरी करणाऱ्या टोळीच्या मुसक्या आवळल्या; चार दुचाकी जप्त.
• Viral Video: गावातील सरकारी उच्च माध्यमिक शाळेत गुरुजींचा घृणास्पद प्रकार विद्यार्थ्यांना चक्क….. पहा संतापजनक व्हिडिओ.