VIDEO: अपघात केव्हा, कधी आणि कसा होईल सांगता येत नाही. कितीही खबरदारी घेतली तरी दुर्घटना घडणे निश्चितच असते. काहीवेळा आपल्या चुकीने, तर काहीवेळा समोरच्या चालकाच्या निष्काळजीपणामुळे अपघात घडत असतात.यात चुकी नसतानाही अनेकदा त्रास सहन करावा लागतो. अलीकडेच अशा एका रस्ते अपघाताचा व्हिडीओ खूप व्हायरल होत आहे, ज्यात खासकरून महिलांना बाईकवर साडी, ड्रेस, बुरखा घालून बसताना खूप काळजी घेण्याचे आवाहन करण्यात आले आहे; अन्यथा एका चुकीमुळे तुम्हीही अपघाताचे बळी ठरू शकता.
व्हायरल झालेल्या व्हिडीओत तुम्ही पाहू शकता की, बुरखा घातलेली एक महिला तिच्या पती आणि मुलासह बाईकवरून जाताना दिसतेय. यावेळी मूल आईच्या कुशीत बसलेलं होतं. मात्र, अचानक चालत्या बाईकच्या टायरमध्ये महिलेचा बुरखा अडकतो, ज्याने दुचाकीचा तोल डळमळतो आणि पती-पत्नीसह मूल रस्त्याच्या मधोमध पडतात. यावेळी बुरखा बाईकच्या टायरमध्ये अडकल्याने ती महिलादेखील बुरख्यासह फरफटत जाते, ज्यामुळे तिला गंभीर दुखापत झाल्याची शक्यता आहे.
हा व्हिडीओ शेअर करून इतर महिलांना जागरूक करण्यात आले आहे. कारण भारतात अनेक महिला साडी, ड्रेस, बुरखा घालून बाईकवर बसून प्रवास करतात. अनेकवेळा साडीचा पदर, ड्रेसची ओढणी किंवा बुरखा टायरमध्ये अडकतो. अशा परिस्थितीत अपघात होतात. यामुळे महिलांना बाईकवरून प्रवास करताना सावध राहण्याचे आवाहन करण्यात आले आहे. कारण थोडासा निष्काळजीपणाही कसा मोठ्या अपघातात बदलतो, हे या व्हिडीओच्या माध्यमातून दाखवण्यात आले आहे.
हे पण वाचा
- महावितरणकडून धडक मोहीम,विज बिल कमी यामुळे मीटर चेकिंग मोहीम,७७ वीज ग्राहकांचे मीटर घेतले तपासणीसाठी ताब्यात.
- कांताई धरणाच्या पाण्यातून यंत्राच्या साह्याने भरमसाठ अवैध वाळू उपसा ; ऊपाय योजना करा मागणी.
- आजचे राशी भविष्य सोमवार दि.२० जानेवारी २०२५
- एरंडोल बस आगारातर्फे इंधन बचत या विषयावर कार्यक्रमाचे आयोजन.
- लग्नानंतर अवघ्या एकाच महिन्यात त्यांच्या संसाराला लागली दृष्ट; पतीचा मृत्यू नंतर विरह सहन न झाल्याने तिसऱ्याच दिवशी पत्नीने संपविले जीवन.
