सर्व रूग्णांवर तात्काळ व मोफत उपचार करण्याच्या पालकमंत्री गुलाबराव पाटील यांच्या सूचना
जळगाव : – पारोळा तालुक्यातील शिवरे गावात आज शेतातील अशुद्ध पाणी पिल्याने २९ मजूरांना विषबाधा झाली. सर्व रूग्णांवर पारोळा कॉटेज रूग्णालय यशस्वी उपचार सुरू आहेत. सर्व रूग्णांची प्रकृती चांगली आहे. शिवरेदिगर ता.पारोळा येथील २९ नागरिकांना शेतातील पाण्यातुन विषबाधा झाली. या विषबाधेत अगदी लहान्यांपासुन तर थोरल्यांचा समावेश आहे. या सर्व विषबाधा झालेल्या रूग्णांना तातडीने कुटीर रूग्णालय पारोळा येथे आणण्यात आले. या घटनेची माहीती मिळताच आमदार मा.आबासाहेब चिमणरावजी पाटील यांनी कुटीर रूग्णालय गाठले. या ठिकाणी दाखल रूग्णांची आमदार मा.आबासाहेब चिमणरावजी पाटील यांनी स्वतः विचारपुस करून उपचाराबाबत माहीती घेतली.
यावेळी सर्व आवश्यक त्या सोयी-सुविधा व उपचारास कुठलाही विलंब व दिरंगाई न करता तातडीने सर्वोतोपरी प्रयत्न करा व रूग्णांची गैरसोय होणार नाही याची खबरदारी घ्या. यातील विषबाधेने अतिबाधित असलेल्या रूग्णांना तातडीने पुढील उपचाराची सोय करून द्या, तसेच वरिष्ठ पातळीवर कुठल्याही प्रकारची अडचण निर्माण होता असल्यास मला कळवा. उपचारासाठी वाहन, औषधी यांसह आवश्यक बाबींची कमतरता भासल्यास ते देखील आपणांस उपलब्ध करून देण्याचे यावेळी आमदार मा.आबासाहेब चिमणरावजी पाटील यांनी उपस्थित अधिकाऱ्यांना सांगितले.
याप्रसंगी तालुका वैद्यकीय अधिकारी चंद्रकांत सुर्यवंशी, गटविकासअधिकारी विजय शिंदे, पोलीस स्टेशनचे प्रतिनिधी, पत्रकार, रूग्णांचे नातेवाईक व वैद्यकीय अधिकारी व कर्मचारी उपस्थित होते.
दरम्यान, जिल्ह्याचे पालकमंत्री गुलाबराव पाटील यांना घटनेची माहिती मिळताच त्यांनी जिल्हाधिकारी आयुष प्रसाद यांच्याशी दूरध्वनीवरून संपर्क साधत घटनेची इत्यंभूत माहिती जाणून घेतली. रूग्णांवर तात्काळ मोफत उपचार करण्याच्या सूचना दिल्या आहेत. जिल्हाधिकारी आयुष प्रसाद यांनी पारोळा गटविकास अधिकारी किशोर शिंदे व तालुका गटविकास अधिकारी चंद्रकांत सुर्यवंशी यांना तात्काळ सूचना निर्गमित केल्या.
घटनेचे गांभीर्य ओळखत गटविकास अधिकारी किशोर शिंदे घटनास्थळी पोहचत परिस्थितीचा आढावा घेतला. शिवरे गावात मध्यप्रदेश हून शेतमजूरीसाठी आलेल्या या २९ जणांनी शेतातील एका ड्रममध्ये अनेक दिवसापासून साचलेले पाणी पिल्याने विषबाधा झाली असावी असा आरोग्य विभागाचा अंदाज आहे. २९ जणांपैकी २ जणांवर तामसवाडी आरोग्य केंद्रावर उपचार चालू आहेत. गावातील पाणी नमुने आरोग्य सेवकांनी घेतले आहेत.
हे पण वाचा
- धरणगावात रंगला कुस्त्यांचा जोरदार आखाडा…. महाराष्ट्र चॅम्पियन पृथ्वीराज पाटील व भारत केसरी शमशाद शेख यांच्यात थरार
- जन्मदात्या आईच्या मृतदेह समोरून गेला सरणावर, 8 मुली 1मुलगा पैकी कोणीही अंत्यसंस्कारासाठी तयार होईना, पण जमिनीच्या वाटणीला मात्र…..
- Viral Video: घराच्या छतावर पती पत्नीचे भांडण गेले टोकाला; पत्नीने थेट पतीला छतावरूनच खाली फेकले, पहा धक्कादायक व्हिडिओ.
- पती होता अनैतिक संबंधात अडसर बायकोने रचला डाव पलंगावर झोपलेल्या नवऱ्यावर वार करून केली हत्या,पोलिसांनी तीन तासात पत्नी व प्रियकराला केली अटक.
- पत्नीच्या आई वडिलांकडून 25 तोळे सोने व 75 लाख रुपये घेऊनही पत्नीस शारीरिक व मानसिक छळ करणाऱ्या तहसिलदार पतीला अटक.
