दिंडोरी :- शहरात सिध्दार्थ नगर येथे दोघांमध्ये सुरू असलेलं भांडण सोडविण्यासाठी गेलेल्या तिसऱ्याला छातीवर फायटरने मारल्याने हृदयविकाराच्या झटक्याने त्याचा मृत्यू झाला.दोघांमधील वाद तिसऱ्याला एवढा महागात पडला.ही घटना सिद्धार्थनगरमध्ये मंगळवारी (ता.५) रात्री घडली. यात योहान बन्सी वारडे (३८) याचा दुर्दैवी मृत्यू झाला. पोलिसांनी गुन्हा दाखल करून एकास अटक केली.
याबाबत संबंधित सूत्रांनी दिलेल्या माहितीनुसार सिध्दार्थनगर येथे बाळू मागाडे यांच्या घरासमोर ही घटना घडली. बाळू मागाडे आणि मयूर अहिरे यांच्यात काही कारणावरून बाचाबाची झाली, त्याचे रूपांतर भांडणात झाले, वाद वाढत चालल्याने तो सोडविण्यासाठी योहान हा गेला.तू का मध्ये पडतो म्हणून रागाच्या भरात मयूर अहिरे याने योहानच्या छातीवर फायटरने मारले.
जोरदार ठोसा बसल्यावर योहानला त्रास सुरू झाला. योहानला हृदयविकाराचा त्रास असल्याने काही तासांतच हृदयाचा त्रास वाढला आणि त्याचा मृत्यू झाला. योहानचा मृत्यू झाल्यानंतर परिसरात गर्दी जमली व तणावपूर्ण परिस्थिती निर्माण झाली. नातेवाइक आक्रमक झाले होते. मृतदेह पोलिस ठाण्यासमोर ठेवून खुनाचा गुन्हा दाखल करा अशी मागणी करण्यात आली.
हे पण वाचा
- धरणगावात रंगला कुस्त्यांचा जोरदार आखाडा…. महाराष्ट्र चॅम्पियन पृथ्वीराज पाटील व भारत केसरी शमशाद शेख यांच्यात थरार
- जन्मदात्या आईच्या मृतदेह समोरून गेला सरणावर, 8 मुली 1मुलगा पैकी कोणीही अंत्यसंस्कारासाठी तयार होईना, पण जमिनीच्या वाटणीला मात्र…..
- Viral Video: घराच्या छतावर पती पत्नीचे भांडण गेले टोकाला; पत्नीने थेट पतीला छतावरूनच खाली फेकले, पहा धक्कादायक व्हिडिओ.
- पती होता अनैतिक संबंधात अडसर बायकोने रचला डाव पलंगावर झोपलेल्या नवऱ्यावर वार करून केली हत्या,पोलिसांनी तीन तासात पत्नी व प्रियकराला केली अटक.
- पत्नीच्या आई वडिलांकडून 25 तोळे सोने व 75 लाख रुपये घेऊनही पत्नीस शारीरिक व मानसिक छळ करणाऱ्या तहसिलदार पतीला अटक.
