अमळनेर:- तालुक्यातील भरवस येथे महिलेसह तिच्या मुलीला मारहाण करणाऱ्या एकावर मारवड पोलिसांत विनयभंगासह इतर गुन्ह्याची नोंद करण्यात आली आहे.
याबाबत अधिक माहिती अशी की, दिनांक १८ रोजी सकाळी भरवस येथील ४० वर्षीय महिला घरी नसताना तिची मुलगी ही समाधान आव्हाडे याच्याकडे मजुरीचे पैसे देण्यास गेली असता त्याने किरकोळ कारणावरून मुलीला मारले. सदर महिला घरी आल्यावर त्याचा जाब विचारण्यासाठी गेली असता समाधान याने परत त्या मुलीला मारहाण करत

“तुला काय करायचे आहे करून घे, माझे कोणी वाकडे करणार नाही” असे बोलू लागल्याने सदर महिला त्यास समजावू लागली. मात्र त्याने अश्लील शिवीगाळ करत महिलेची साडी ओढून लज्जा उत्पन्न होईल असे कृत्य करत विनयभंग केला. तसेच जिवे मारण्याची धमकी दिली, अशी फिर्याद सदर महिलेने दिल्यावरून समाधान रवींद्र आव्हाडे रा. भरवस याच्याविरुद्ध मारवड पोलिसांत भादवि कलम ३५४, २९४, ३२३, ५०४, ५०६ अन्वये गुन्ह्याची नोंद करण्यात आली असून पुढील तपास हे कॉ सचिन निकम हे करीत आहेत.

हे पण वाचा

• शासकीय ज्वारी खरेदीत वर्षानुवर्षे शेतकऱ्यांना उद्भवणाऱ्या समस्यांना पुर्णविराम लागण्यासाठी आवश्यक ते नियोजन करूनच खरेदी सुरू करा…आ.अमोलदादा पाटील
• एका वयस्कर व्यक्तीस अंघोळ करताना नग्नावस्थेतील तरुणीच्या व्हिडीओ कॉल आला मग….. ब्लॅकमेलिंग करून 14 लाख 66 हजार उकळले,काय आहे प्रकरण वाचा.
• गुगलच्या मदतीने बनविलेले विषारी फुलांचे ज्यूस पाजून सैतान मुख्याध्यापिका पत्नीनं शिक्षक पतीला संपवलं; विद्यार्थ्यांच्या मदतीने जाळला मृतदेह पण……
• ३ लाख २५ हजार रुपयांचे सोन्याचे दागीने आणि रोख रक्कमेची घरफोडी करणाऱ्या चोरट्यास मेहूणबारे पोलिसांनी केले जेरबंद.
• सासूने घेतला चोरीचा आरोप कंटाळून महिलेने आत्महत्या करण्यासाठी कालव्यात मारली उडी वाचवण्यासाठी हवालदार धावला; महिला वाचली पण हवालदाराने जीव गमावला.