पुणे : बहिणीला त्रास देत असल्याने १९ वर्षीय तरुणाने आणि त्याच्या मित्राने दाजीचा खून केल्याची घटना बालेवाडी येथील पाटील वस्तीत घडली. खूनानंतर आरोपी पसार झाले असून, पोलिसांकडून त्यांचा शोध घेतला जात आहे.राजेंद्र कुमार कांबळे (वय २४, रा. बालेवाडी) असे खून झालेल्याचे नाव आहे. याप्रकरणी चतु:श्रृंगी पोलीस ठाण्यात बाब्या व राहुल रिकामे यांच्यावर गुन्हा दाखल करण्यात आला आहे.
याबाबत एका १८ वर्षीय तरुणाने तक्रार दिली आहे.पोलिसांनी दिलेल्या माहितीनुसार, राजेंद्र हा बिगारी काम करत होता. काही महिन्यांपुर्वीच तो पुण्यात आला होता. बालेवाडी येथील पाटील वस्तीत तो भाड्याच्या खोलीत राहत होता. दरम्यान, तो पत्नीला त्रास देत होता.
तिला मारहाण करत होता. त्याचा राग पत्नीचा भाऊ बाब्या याला आला होता. दरम्यान, बुधवारी रात्री वाद झाल्यानंतर दोघांनी राजेंद्र याचा खून केला. गुरूवारी सकाळी हा प्रकार समोर आल्यानंतर पोलिसांनी घटनास्थळी धाव घेत तपासाला सुरूवात केली. पुढील तपास पोलीस करत आहेत.
हे पण वाचा
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
