स्वतःच्या घरातच अनेक वेळा झाला अत्याचार.आई वडिलांसह सहा आरोपींना अटक,एक आरोपी फरार.

भंडारा:- साकोली तालुक्यात १२ वीत शिकणाऱ्या एका १७ वर्षीय अल्पवयीन पोटच्या मुलीला आई वडिलांनी पैशासाठी देहव्यापारात ढकल्याचा धक्कादायक प्रकार उघडकीस आला आहे. पीडितेवर विविध व्यक्तींकडून अनेक ठिकाणी सामूहिक अत्याचार केल्याचा गंभीर प्रकार घडला. पीडितेच्या काकूने साकोली पोलिसात तक्रार केल्यानंतर पोलिसांनी गुन्हा दाखल करुन यातील सहा आरोपींना अटक केली आहे, तर एक आरोपी फरार आहे.

एक १७ वर्षीय अल्पवयीन मुलगी साकोलीत एका महाविद्यालयात १२ वीत शिकत होती. गावावरून दररोज येण्याजाण्यासाठी त्रास होत असल्याने ती साकोलीत काकाकडे राहून शिक्षण घेत होती. मात्र कालांतराने पीडितेच्या वडिलांनी तिला गावाला नेले. अनेक दिवसांपासून पीडितेसोबत बोलणे झाले नसल्याने काकाने १४ डिसेंबरला फोन करून तिच्या प्रकृतीची आणि कुटुंबीयांची चौकशी केली. यावेळी पीडितेने आपल्यासोबत घडलेला संपूर्ण प्रकार आणि तिचे आरोग्य बिघडल्याचे कथन केले.

याप्रकरणी काकूने पुढाकार घेत पीडितेला साकोली पोलीस ठाण्यात नेत तक्रार नोंदवली. पैशासाठी पोटच्या मुलीला आई वडिलांनीच ओळखीतल्या काही व्यक्तीसोबत शारीरिक संबंध प्रस्थापित करण्यासाठी बळजबरी व मारहाण केली. हा प्रकार सतत वाढत गेला. महिन्याभरामध्ये तिच्यावर कधी एकांतात तर कधी सामूहिकरीत्या अत्याचार करण्यात आले. कधी पीडितेवर गावातील घरीच आई-वडिलांचे समक्ष तर कधी साकोलीत, तर कधी वेगवेगळ्या ठिकाणी नेऊन पीडितेवर मारहाण करीत अत्याचार करण्यात आले.

या प्रकरणाची तक्रार दाखल होताच साकोली पोलिसांनी तडकाफडकी पीडितेच्या आई-वडिलांसह सहा जणांना अटक केली. यातील एक आरोपी फरार आहे. आरोपींवर भादंवि ३७६ (१), (२), एन,जे, ३७६ ड, ३७०, ३४, पोस्को (४),(६) नुसार गुन्हा नोंद करण्यात आला आहे.साकोली तालुक्यातील एका गावी १७ वर्ष ७ महिने अल्पवयीन मुलीवर लैंगिक अत्याचाराची तक्रार दाखल झाली आहे. याप्रकरणी सहा आरोपींना अटक झाली असून एक फरार आहे. त्याचा शोध सुरू आहे. या घटनेत पीडितेच्या आईवडिलांचा सहभाग असून त्यांना अटक करीत भंडारा कारागृहात रवानगी केली.

हे पण वाचा

• Viral Video:बायकोनं नवऱ्याला गर्लफ्रेंडसोबत पकडलं रंगेहात;अन् भररस्त्यात केली दोघांची धो धो धुलाई पहा व्हिडिओ.
• ‘तो तिच्यावर करत होता जीवापाड प्रेम’ पण ‘ती’…… आयुर्वेदिक औषधात विष मिसळून प्रियकराची केली हत्या; प्रेयसीला कोर्टाने घडवली जन्माची अद्दल
• चोपडा वनपरिक्षेत्रातील वनकर्मचाऱ्यावर हल्ला; अवैध वृक्षतोड प्रकरणात मोठी कारवाई.
• “तुमच्या प्रेमामुळे माझं बळ वाढतं, विकास हेच माझं ध्येय” – पालक मंत्री गुलाबराव पाटील; आव्हाणे येथे भव्य नागरी सत्कार संपन्न.
• प्रेम संबंधांत अडसर ठरणाऱ्या नवऱ्याला प्रियकराच्या मदतीने दारू पाजली,अन् स्वत:च्याच हाताने कपाळाचं कुंकू पुसलं.