विशाखापट्टणम :- (आंध्रप्रदेश) तील विशाखापट्टणममध्ये एक धक्कादायक घटना समोर आली आहे. एका अल्पवयीन मुलीवर सामूहिक बलात्कार करण्यात आला आहे. पीडिता विशाखापट्टणम येथे घरकाम करते. याप्रकरणी सध्या 11 जणांना अटक करण्यात आली असून पुढील कारवाई सुरू आहे.मिळालेल्या महितीनुसार, पीडिता काही महिन्यांपूर्वीच विशाखापट्टणमला राहण्यास आली होती. तेथे आल्यानंतर ती 17 डिसेंबरला विशाखापट्टणममधील आरके बीचवर फिरायला गेली होती.

यावेळी तिची तेथील फोटोग्राफर्ससोबत ओळख झाली. या फोटोग्राफर्सनी पीडितेला पळवून नेले. यानंतर तिला एका लॉजवर नेऊन तिच्यावर एक एक करून सामूहिक बलात्कार केला. या नराधमांनी 22 डिसेंबरपर्यंत पीडितेला लॉजवरच डांबून ठेवले होते. 23 डिसेंबर रोजी आरोपीने मुलीला 200 रुपये देऊन सोडून दिले. आपली मुलगी 17 डिसेंबरपासून बेपत्ता असल्यामुळे तिच्या वडिलांनी विशाखापट्टणममधील पोलीस स्टेशनला मुलगी बेपत्ता झाल्याची तक्रार दाखल केली.

यानंतर 25 डिसेंबरला पीडिता घाबरलेल्या अवस्थेत पोलिसांना सापडली. पीडितेला घडलेल्या प्रकाराचा प्रचंड धक्का बसला होता. त्यामुळे तिने दोन दिवसांनंतर 31 डिसेंबरला आपल्यासोबत घडलेल्या घटनेबाबत माहिती दिली. पोलिसांनी मुलीचा जबाब नोंदवला असून या संदर्भातील 11 आरोपींना अटक केली आहे. सर्व आरोपींना 12 जानेवारीपर्यंत न्यायालयीन कोठडी सुनावण्यात आली आहे. उर्वरित दोन आरोपींचा शोध सुरू करण्यात आला आहे.

हे पण वाचा

• अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
• एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
• खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
• एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
• ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.