श्रावस्ती (उत्तरप्रदेश) :- पोलिसांना रात्रीच्या वेळी जंगलात थंडीत 3 लहान मुलं कुडकुडताना दिसली. पोलिसांनी चौकशी केली असता मुलांनी वडिलांचं नाव आणि घरचा पत्ता सांगितला. यानंतर पोलिसांनी त्यांना सर्वप्रथम पोलीस ठाण्यात नेलं, उबदार कपडे आणि खाण्यासाठी काही वस्तू दिल्या. त्यानंतर त्या मुलांना घरी नेण्यात आलं. याच दरम्यान मुलांनी आईबद्दल जे सांगितलं ते ऐकून पोलीसही हैराण झाले.श्रावस्ती जिल्ह्यातील भिनगा कोतवाली भागातील एका गावातील एक महिला 3 मुलांसह तिच्याच दिरासोबत 6 महिन्यांपूर्वी पळून गेली होती.
ती लखनौमध्ये तिची मुलं आणि प्रियकरासह राहत होती. अचानक एका रात्री ही महिला प्रियकरासह श्रावस्ती येथे पोहोचली. येथे तिने आपल्या तीन मुलांना जंगलाजवळ सोडलं. यानंतर ती तिच्या प्रियकरासह फरार झाली. पोलीस गस्त घालत असताना त्याच मार्गावरून गेले. तेव्हा थंडीत कुडकुडत असलेली तीन मुलं पोलिसांना दिसली. पोलिसांनी त्यांची गाडी थांबवली आणि त्यांना आपल्यासोबत पोलीस ठाण्यात नेलं. तेथे त्यांना उबदार कपडे, बिस्किटं आणि फळं देण्यात आली. चौकशीत मुलांनी सांगितलं की, आई आणि काका लखनौमध्ये राहतात.
त्यांनी रात्री बसने आम्हाला आणलं आणि जंगलाजवळ सोडलं. यासोबतच मुलांनी घराचा पत्ता सांगितला.पोलिसांनी त्यानंतर मुलांना आजी-आजोबांच्या ताब्यात दिलं. तसेच संबंधित महिला आणि तिच्या प्रियकरावर एफआयआर नोंदवण्यात आला आहे. या कामासाठी पोलीस पथकाला बक्षीस देण्याची घोषणा एसपींनी केली आहे. पोलीस या प्रकरणाचा अधिक तपास करत असून याची सर्वत्र चर्चा रंगली आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
