यावल : तालुक्यातील डांभुर्णी येथील १७ वर्षीय अल्पवयीन मुलीच्या अपहरण प्रकरणी पोलिसांनी २१ वर्षीय संशयित तरुणाला अटक केली आहे. या तरूणाची दुचाकी अल्पवयीन मुलीच्या अपहरण कर्त्याकडे असुन याचं दुचाकीव्दारे अपहरण झाल्याचे समोर आले आहे. या अपहरणात एक विधी संघर्षित बालकासह तिघांचा समावेश असल्याचे स्पष्ट झाले असून अटक करण्यात आलेल्या तरुणाला यावल न्यायालयाने एक फेब्रुवारी पर्यंत तीन दिवसाची पोलीस कोठडी सुनावली आहे.
डांभुर्णी ता. यावल या गावातून दिनांक २१ जानेवारी रोजी १७ वर्षीय अल्पवयीन मुलीचे अपहरण झाले होते व या प्रकरणी अज्ञात विरूध्द गुन्हा दाखल करण्यात आला होता तेव्हा या गुन्ह्याचा तपास करतांना पोलिसांनी मंगळवारी डांभुर्णी गावातील धम्मदीप सुधाकर जंजाळे वय २१ या तरुणाला ताब्यात घेतले त्याच्याकडे चौकशी केली असता त्याने सांगितले की प्रवीण प्रकाश सोळुंके रा.डांभुर्णी याने अल्पवयीन मुलीचे त्यांच्या दुचाकी क्रमांक एम.एच.१९ ई.सी.६६५८ द्वारे अपहरण केले व ही मोटरसायकल अजूनही प्रविण सोळुंके कडे आहे.
अशी माहिती दिली यात गावातील एक १६ वर्षीय विधी संघर्षीत बालकाचा देखील समावेश असल्याचे उघडकीस आले आहे तेव्हा अटक करण्यात आलेल्या धम्मदीप जंजाळे यास यावल येथील न्यायालयात न्यायाधीश एस.बी. वाळके यांच्यासमोर हजर केले असता न्यायाधीशांनी त्याला १ फेब्रुवारी पर्यंत तीन दिवसाची पोलीस कोठडी सुनावली आहे. मित्रास दुचाकी देणे या तरूणाच्या चांगलेचं अंगलट आले आहे.पुढील तपास पोलीस निरीक्षक राकेश मानगावकर यांच्या मार्गदर्शनाखाली पोलीस उपनिरीक्षक सुनील मोरे, श्याम धनगर करीत आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
