संचारबंदी नंतर शांतता समितीची बैठक घेण्याची प्रशासनाची तयारी
यावल : तालुक्यातील दहिगाव येथे बुधवारी रात्री रमाबाई आंबेडकर जयंती च्या मिरवणूकीत महापुरूषाच्या पोस्टरची विटंबना केल्याच्या आरोपावरून वाद उफाडला होता व पोस्टरच्या विटंबनेच्या संशयावरून ६ जणांना अटक करीत तब्बल ४० जणां विरूध्द गुन्हे नोंदवण्यात आले होते आणी दहिगावात संचार बंदी लावली आहे. तर या घटनेच्या पार्श्वभुमीवर पोलिस अधिक्षक एम.सी.व्ही. महेश्वर रेड्डी यांनी गावात भेट दिली तर संचार बंदी भागात डिवायएसपींनी पाहणी करीत संचार बंदी नंतर गाव पुर्वपदावर आणण्या करीता गावात शांतता समितीची बैठक घेण्या सदंर्भात तयारी दर्शवली आहे.

दहिगाव ता.यावल या गावात बुधवारी रात्री रमाबाई आंबेडकर जयंतीनिमित्त मिरवणूक काढण्यात आली होती. सहवाद्य काढण्यात आलेली ही मिरवणूक गावातील कुंभारवाडा भागातुन पुढे मार्गस्त झाली व समारोप करण्यात आला दरम्यान कुंभार वाडा भागात महापुरूषाच्या पोस्टरची विटंबना करण्यात आली असा आरोप मिरवणुकीतील कार्यकर्त्यांवर करण्यात आला तेव्हा तर या प्रकरणी गुरूवारी रात्री एका गटातील फिर्यादी वरून सहा जणांना अटक करण्यात आली होती तर डिवायएसपीसह त्यांच्या पथकाशी धक्काबुक्की प्रकरणी ४० जणांवर गुन्हा दाखल करीत गावात ४८ तासांसाठी संचार बंदी लावली आहे या घटनेच्या पार्श्वभुमीवर गुरूवारी मध्यरात्री पोलिस अधिक्षक एम.सी.व्ही. महेश्वर रेड्डी यांनी गावात भेट दिली घटनेची माहिती घेत आढावा घेतला तर शुक्रवारी डीवायएसपी अन्नपुर्णा सिंग यांनी गावात संचार बंदी असलेल्या भागात पाहणी केली.

शांतता समितीची बैठकीची तयारी.
पत्रकारांशी बोलतांना डीवायएसपी अन्नपुर्णा सिंग यांनी सांगीतले की गावातील संचार बंदी संपल्यावर जनजिवन पुर्वपदावर आणणे तसेच गावात शांतता प्रस्तापित व्हावी या करीता प्रशासना कडून आम्ही सर्व पक्षीय,सर्व धर्मियांची शांतता समितीची बैठक घेण्याची तयारीत आहोत लवकर गाव पुर्व पदावर येईल अशी अपेक्षा आहे असे त्यांनी सांगीतले.
गावात चोख बंदोबस्त.
गावात लावलेली संचार बंदी ही शनीवारी सायंकाळी ७.३० ला शितील होईल व त्यानंतर संचार बंदी हटवण्याचा निर्णय जाहिर होणे अपेक्षीत आहे. तेव्हा संचार बंदीच्या पार्श्वभुमीवर गावात १०० हुन अधिक शस्त्रधारी पोलिसांचा बंदोबस्त आहे.

हे पण वाचा

• अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
• एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
• खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
• एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
• ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.