बलिया (बिहार) :– काल 14 फेब्रुवारीला व्हॅलेंटाईन दिवस होता. प्रेमी युगुलांसाठी हा दिवस महत्त्वाचा मानला जातो. मात्र, यादिवशी घडलेल्या घटनेची मोठी चर्चा होत आहे. व्हॅलेंटाईन डेच्या दिवशी एका मुलीचे अनोखे रुप पाहायला मिळाले.सध्या सोशल मीडियावर एक होत आहे. या व्हायरल व्हिडिओमध्ये एक तरुणी एका तरुणाला मारहाण करताना दिसत आहे. तरुणी खूपच रागात त्या तरुणाला जोडे मारताना दिसत आहे. या प्रकारामुळे याठिकाणी मोठी गर्दीही झाली. हा सर्व प्रकार पाहून लोकांनीही या तरुणाला मारहाण केली. तरुणाने मला सोडून द्या, अशी विनंती केली असता तरी त्याचं कुणीही ऐकले नाही.
मिळालेल्या माहितीनुसार, ही घटना बिहार राज्यातील बलिया येथे घडली. एका शाळेची बस येऊन बांसडीह पोलीस ठाण्याजवळ थांबली आणि या मुलाने बसमध्ये प्रवेश केला. यानंतर एक मुलगी बाहेर आली आणि त्या मुलाला मारहाण करताना दिसली. यानंतर त्या मुलाने या मुलीचे मोबाईल हिसकावत फोडला. मग यानंतर मुलीने आपल्या पायातील जोडा काढत त्या मुलाला मारहाण सुरू केली. यानंतर आजूबाजूच्या लोकांनीही या मुलाला मारहाण केली. या घटनेचा व्हिडिओ सोशल मीडियावर व्हायरल होत आहे.
याबाबत माहिती देताना बांसडीह पोलीस ठाण्याचे प्रमुख प्रभात कुमार यांनी सांगितले की, दोघांमध्ये चांगली मैत्री होती. मुलानेच मुलीला मोबाईल खरेदी करुन दिला. सुरुवातीला दोघांमध्ये सर्वकाही चांगले सुरू होते. मात्र, गेल्या काही दिवसांपासून दोघांमध्ये वाद सुरू होते. त्यामुळे मुलाने मुलीचा मोबाईल फोडला. दरम्यान, यानंतर दोघांना समजावण्यात आले. तसेच मुलीचा फोडलेला मोबाईल मुलाने दुरुस्त करुन द्यावा अटीवर समझौता करण्यात आला. व्हॅलेंटाईन डेच्या दिवशी घडलेल्या या घटनेची परिसरात चर्चा होत आहे.
हे पण वाचा
- न्यू इंग्लिश मीडियम स्कूल ची आषाढी वारी एरंडोल शहरात संपन्न
- भडगावमध्ये मोहरम उत्सव उत्साहात संपन्न.!!!सामाजिक ऐक्याचे सुंदर चित्र.
- एरंडोल शहरातील भटक्या व पिसाळलेल्या कुत्र्यांच्या तत्काळ बंदोबस्तासाठी दिले निवेदन.
- एरंडोल येथील गांधीपुरा भागात वृद्ध महिलेचे हातपाय बांधून चाळीस हजार रुपयांची लुट.
- अंजनी नदीचे अस्तित्व धोक्यात,प्रशासनाचे स्वच्छतेकडे दुर्लक्ष; नदीला आले गटारगंगेचे स्वरूप, सार्वजनिक शौचालय व स्वच्छतागृहाचे दुर्गंधीयुक्त सांडपाणी पालिकेने सोडले नदीत.
