CCTV Video: दिवसेंदिवस चोरीच्या घटनांमध्ये वाढ होत आहे. अनेक लोकांच्या घरात, दुकानात चोरी झाल्याच्या घटना घडल्या आहेत. चोरीचे अनेक व्हिडिओ देखील सोशल मीडियावर व्हायरल होत असतात.हैदराबादमध्ये एका सोनाराच्या दुकानात चोरी झाली आहे.हैदराबादमध्ये भरदिवसा एका सोने-चांदीच्या दुकानात चोरी झाली आहे. दुकान मालकाच्या डोळ्यादेखत ही चोरी करण्यात आली आहे. ही संपूर्ण घटना सीसीटीव्ही कॅमेरात कैद झाली आहे.
मिळालेल्या माहितीनुसार, हैदराबाद शहरातील पट्टापागले येथील एका सोने-चांदीच्या दुकानात ही चोरी झाली आहे. मल्कपेटच्या अकबर भागात असलेल्या किशवा ज्वेलरी शॉपमध्ये ही घटना घडली आहे. दुकानातील लाखो रुपयांचे सोने-चांदीचे दागिने आणि रोख रक्कम चोरीला गेली आहे. या चोरीमुळे दुकानमालकाचे प्रचंड नुकसान झाले आहे. या चोरीचे सीसीटीव्ही फुटेज सोशल मीडियावर व्हायरल होत आहे.
सीसीटीव्ही फुटेजमध्ये (CCTV Footage) दिवसाढवळ्या दोन चोर घुसून चोरी करताना दिसत आहे. हेल्मेट घालून तोंड लपवून हे चोर दुकानात घुसले होते. चोरांनी दुकानमालकाला चाकूचा धार दाखवत चोरी केली आहे. चोराने सर्वप्रथम दुकानदाराला धमकावले त्यानंतर खाली पाडले. त्यानंतर चोरांनी सर्व सोन्याच्या वस्तू उचलून पिशवीत भरल्या आणि पसार झाले. या घटनेचा सीसीटीव्ही फुटेज व्हायरल होत आहे. या सध्या या सर्व घटनेचा पोलिस तपास घेत आहेत.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
