अमरावती : पती पत्नीतील वाद आपल्याला नवीन नाही. कुठल्याही कारणाने दोघांमध्ये मतभेद होत असतात. मात्र, कधीकधी हे वाद विकोपाला जातात. याचा परिणाम म्हणजे भयानक घटना घडतात. अमरावतीमधून अशी एक धक्कादायक घटना समोर आली आहे. पतीने कौर्याची परिसीमा गाठत पत्नीला जिवंत जाळण्याचा प्रयत्न केला. या घटनेने जिल्ह्यात खळबळ उडाली असून जखमी पत्नीवर सध्या रुग्णालयात उपचार सुरू आहेत.गॅसवर पेटवून देण्याचा प्रयत्नजिल्ह्यातील कापुसतळणी गावात दारुड्या पतीकडून पत्नीला जिवंत जाळण्याचा प्रयत्न केला.
मुकेश तिडके असे या आरोपी पतीचे नाव आहे. तू कामाला जात नाहीस, तू बदमाश आहे, तू माझ्याजवळ राहू नको म्हणत पतीने पत्नीला गॅस वर पेटवून देण्याचा प्रयत्न केला. या घटनेत पत्नीचा पाय जळाल्याचे सांगण्यात येत आहे. सध्या पीडित महिलेवर जिल्हा सामान्य रुग्णालयात उपचार सुरू आहेत. दरम्यान, यापूर्वी तक्रार देऊनही पोलिसांनी कुठलीच कारवाई न केल्याचा आरोप पीडीत महिलेने केला आहे. या घटनेनंतर आरोपी पती मुकेश तिडकेविरुद्ध माहुली जहागिर पोलीस स्टेशनमध्ये गुन्हा दाखल करण्यात आला आहे.
अमरावती भीषण अपघातात चौघांचा मृत्यू
अमरावती येथे क्रिकेटचा सामना पाहण्यासाठी गेलेल्या चार जणांचा टेम्पोला ट्रकने धडक दिल्याने मृत्यू झाला. एका पोलीस अधिकाऱ्याने दिलेल्या माहितीनुसार, अमरावती शहरातून क्रिकेट संघाचे 21 जण घेऊन टेम्पो जात होता. सकाळी 7.30 च्या सुमारास नांदगाव खंडेश्वर तालुक्यातील शिंगणापूर फाटा येथे हा अपघात झाला.पोलीस अधीक्षक विशाल आनंद म्हणाले, “चार जणांचा जागीच मृत्यू झाला, तर 10 जण जखमी झाले असून त्यांना रुग्णालयात दाखल करण्यात आले आहे. ट्रक चालकाला अटक करण्यात आली आहे.” हा टेम्पो क्रिकेट सामन्यासाठी यवतमाळला जात असताना ही घटना घडल्याचे त्यांनी सांगितले.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
