जळगाव :- शहरातून एक दुर्दैवी घटना समोर आली. घराची साफसफाई करत असताना महिलेचा तोल जाऊन तिसऱ्या मजल्यावरून कोसळल्यामुळे तिचा मृत्यू झाला. मनीषा श्याम बावस्कर असे मृत महिलेचे नाव असून त्या एसटी महामंडळात लिपिक म्हणून कार्यरत होत्या. एरंडोल तालुक्यातील टाकरखेडा येथे अंत्यसंस्कार करण्यात येणार आहे.
याबाबत असे की, पिंप्राळा परिसरातील श्री रत्न कॉलनीतील दिव्या पार्क अपार्टमेंटमध्ये परिवारासह राहणाऱ्या मनीषा पाटील या सुटी असल्याने घराची साफसफाई करत होत्या. त्यावेळी घरातील उंदराला हॉल लगतच्या बंद गॅलरीच्या स्लायडिंग विंडोतून बाहेर काढण्यासाठी त्या गॅलरीत असलेल्या झोक्यावर चढल्या होत्या. झोक्यातून त्यांचा तोल जाऊन त्या थेट तिसऱ्या मजल्यावरून तळमजल्यावर कोसळल्या.शेजारच्यांनी त्यांना उचलून खासगी रुग्णालयात दाखल केले.
मात्र काही वेळानंतर त्यांचा मृत्यू झाला. मनीषा यांचे सन २०१५मध्ये श्याम बावस्कर यांच्या सोबत लग्न झाले असून, श्याम हे सीमा सुरक्षा बलात (बीएसएफ) कॉन्स्टेबल आहेत. ते सध्या गुवाहाटी येथे कार्यरत आहेत. त्यांना घटनेची माहिती देण्यात आली मनीषा यांना सहा वर्षांची परी ही मुलगी व कृष्णा नावाचा चार वर्षाचा मुलगा आहे.
हे पण वाचा
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
