जळगाव : घरची परिस्थिती हलाकीची असल्याने पती- पत्नी दोघेजण सोबत जळगाव एमआयडीसी (MIDC) परिसरातील व्ही-सेक्टरमध्ये असलेल्या दाल मिलमध्ये पती-पत्नी सोबत काम करत होते. मशीनवर सोबत काम करत असताना महिलेच्या गळ्यात असलेल्या स्कार्फने क्षणार्धात होत्याचे नव्हते केले.मशीन चालू होताच गळ्यातील स्कार्फ मशिनच्या पट्ट्यात अडकून महिलेचे शीर धडावेगळे झाले. सरस्वती गोविंद ठाकरे (वय ३५) असे या घटनेत मृत झालेल्या महिलेचे नाव आहे.
जळगाव एमआयडिसीतील मुकेश ॲग्रो इंडस्ट्रीजच्या आवारातच सरस्वती ठाकरे व पती गोविंद नानू ठाकरे हे वास्तव्यास होते. मागील दोन वर्षांपासून पती- पत्नी सोबतच दालमिलमध्ये कामाला होते. दरम्यान १२ मार्चला नेहमीप्रमाणे कंपनीत काम करत असताना गोविंद याने पत्नी सरस्वतीला वर जाऊन दालमील यंत्रासाठी आवश्यक आद्रतेनुसार थोडे पाणी व पावडर टाकण्यास सांगितले. यानंतर मशिन सुरु केले. सरस्वती मशिनमध्ये डाळ टाकत असताना गळ्यात बांधलेला स्कार्फ मशिनच्या पट्ट्यात ओढला गेला. गळ्यातील स्कार्फसह सरस्वती ओढली जाऊन तिचे शीर धडावेगळे झाले.
दृश्य पाहून पती कोसळला
मशिनजवळ जोरदार आवाज झाला. काय झाले म्हणून गोविंद हा वर धावत गेला. यावेळी समोरचे दृश्य पाहून तो जमिनीवर कोसळला. आपल्यासोबत जेवण करून काम करणारी पत्नीचे धड एकीकडे तर, मुंडके दुसऱ्या बाजूला पडलेले पाहून गोविंदला काय करावे सुचत नव्हते. यानंतर दालमिलमधील इतर कामगारांनी धाव घेतली. घटनेची माहिती कळताच एमआयडीसी पोलिसांनी घटनास्थळी धाव घेत पंचनामा केला.
हे पण वाचा
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
