चोपडा प्रतिनिधि (डॉ. सतीश भदाणे)
चोपडा :- तालुक्यातील मेलाने गावात वन पट्ट्यातील शेतीमध्ये मक्याची शेती करीत असताना त्यात आंतरपीक म्हणून गांजा लागवड केल्याची माहिती स्थानिक गुन्हे शाखेला मिळाली होती. स्थानिक गुन्हे शाखा जळगाव आणि चोपडा ग्रामीण पोलीस स्टेशनचे कर्मचारी यांनी संयुक्तरित्या या गावी जाऊन शेतात पाहणी केल्यावर मक्याच्या पिकामध्ये गांजा लागवड केलेली आढळून आले. दीड एकर क्षेत्रामधील गांजा उपटून एकूण 980 किलो असा 44 लाख 10 हजार किमतीचा मुद्देमाल जप्त करण्यात आलेला आहे.
त्यासोबत शेती करणाऱ्या आरोपीला अटक करण्यात आली आहे. पुढील तपास चालू आहे अशी माहिती पोलीस उपविभागीय अधिकाऱ्याने दिली. तसेच गांजाची शेती करणाऱ्याबद्दल जर कोणी माहिती दिली तर त्याठिकाणी नक्की कारवाई करण्यात येईल, अशी सूचना देखील पोलीस उपविभागीय अधिकारी कुणाल सोनवणे यांनी दिली. चोपडा तालुक्यात ग्रामीण पोलीस स्टेशनच्या हद्दीत सहा महिन्यातील गांजा शेती उध्वस्त करण्याची ही दुसरी कारवाई आहे. पुढील तपास ग्रामीण पोलीस स्टेशन च्या पोलीस निरीक्षक कावेरी कमलाकर हे करीत आहेत.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
