चाळीसगाव :- सख्खी बहीण व मेहुण्याने आपल्या मनाविरुद्ध २७ वर्षीय तरुणाशी लग्न लावून दिल्याची माहिती १४ वर्षीय अल्पवयीन मुलीने डायल ११२ वर पोलिसांना दिल्यानंतर बालविवाह केल्याचा प्रकार उघडकीस आला आहे. याप्रकरणी पोलिसांनीच पुढाकार घेत चौघांविरोधात मेहुणबारे पोलिस ठाण्यात गुन्हा दाखल केला असून,सख्खी बहीण, मेहुणा, पतीसह सासूला अटक केली आहे.
चाळीसगाव शहर पोलिस ठाण्यात १७ मार्च रोजी डायल ११२ वर १४ वर्षीय मुलीने तिच्या मनाविरुद्ध तिची मोठी बहीण व मेहुणा (रा. घाटरोड परिसर, चाळीसगाव) यांनी शिरसगाव (ता. चाळीसगाव) येथील एकाशी बालविवाह लावून दिला, अशी तक्रार केली. चाळीसगाव पोलिसांनी या घटनेची माहिती मेहुणबारे पोलिसांना दिली. त्यानंतर पोलिसांनी त्या पीडितेला पोलिस ठाण्यात आणले.या मुलीचे तिची बहीण सुप्रिया व मेहुणा जयेश भरत भोई यांनी तिच्या संमतीविना तिचा विवाह बळजबरीने शिरसगाव येथील अनिल राजेंद्र चव्हाण (वय २७) ना याच्याशी २५ फेब्रुवारी रोजी गुपचूप माव पद्धतीने लावून दिल.
त्यानंतर पीडित नग मुलगी बहिणीकडे चाळीसगाव येथे आली, पती व सासू तिला बळजबरीने सासरी घेऊन जाण्याचा प्रयत्न करीत होते.
पोलिसांचा पुढाकार, पॉस्को तसेच अन्य कलमान्वये गुन्हा…
• अल्पवयीन मुलीचा गुपचूप बालविवाह लावण्यात आला. पीडितेने डायल ११२ वर माहिती दिली असता याप्रकरणी पोलिसांनी स्वतः पुढाकार घेत चौघांविरुद्ध पॉस्को तसेच अन्य कलमान्वये गुन्हा दाखल करून अटक केली आहे. महिला पोलिस कर्मचारी यात फिर्यादी आहेत.
कविता नेरकर, अपर पोलिस अधीक्षक, चाळीसगाव
हे पण वाचा
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
- शहापूर चोरीच्या घटनेतील आरोपी जामनेर पोलिसांनी शोधला ; – जामनेर पोलीसांची यशस्वी कामगिरी
- पाच मुलांच्या आईचे सूत जुळले 20 वर्षे लहान तरुणासोबत,दोघे राहिले लिव्ह-इन-रिलेशनमध्ये,तिला आठवणी आली पतीची, अन् भररस्त्यात…..
- अखिल भारतीय ग्राहक पंचायतच्या धरणगाव तालुकाध्यक्षपदी विनायक महाजन यांची नियुक्ती
