यावल : तालुक्यातील डांभुर्णी या गावात २५ वर्षीय विवाहितेचा गावातीलच एकाने विनयभंग केला. सदर महिला भांडे धूत असतांना तो तिच्या जवळ गेला व तिच्याशी गैरवर्तन करीत तिच्या मनाला लज्जा उत्पन्न होईल असे कृत्य केले तेव्हा याप्रकरणी यावल पोलीस ठाण्यात मंगळवारी एका विरुद्ध गुन्हा दाखल करण्यात आला आहे.डांभुर्णी ता. यावल या गावात सोमवारी २५ वर्षीय महिला आपल्या घराच्या बाहेर भांडे धूत होती.

तेव्हा तेथे प्रवीण काशिनाथ कोळी हा गेला आणि या महिलेला सांगितले की मी तुला पाच हजार रुपये देतो तू माझ्यासोबत चल असे सांगत महिलेच्या एकांतपणाचा भंग करून तिच्या मनाला लज्जा उत्पन्न होईल असे कृत्य करीत तिचा विनयभंग केला व तिचे पती यांना शिवीगाळ करून धमकी दिली. तेव्हा याप्रकरणी महिलेने दिलेल्या फिर्यादीवरून यावल पोलीस ठाण्यात प्रवीण कोळी याच्याविरुद्ध विनयभंग सह विविध कलमाने गुन्हा दाखल करण्यात आला आहे. पुढील तपास पोलीस निरीक्षक प्रदीप ठाकूर यांच्या मार्गदर्शनाखाली हवालदार उमेश महाजन करीत आहे.

हे पण वाचा

• एरंडोल विधानसभा मतदारसंघात महायुतीचे उमेदवार अमोलदादा पाटील यांचा एकतर्फी विजय,५६ हजार ३३२ मतांनी दणदणीत विजय.
• Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
• आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
• पतीच्या उपचारादरम्यान हृदयविकाराच्या झटक्याने मृत्यूनंतर तीन तासांत पत्नीने संपवली जीवन यात्रा; दोघांचे एकाच चितेवर अंत्यसंस्कार
• सोशल मिडीयावर माळी समाजावरील आक्षेपार्ह मजकुराच्या निषेधार्थ एरंडोल बंद; माजी पालकमंत्री डॉ.सतीश पाटील यांच्या पुतळ्याचे दहन.