लखनऊ : पती आणि पत्नीचं नातं अतिशय खास असतं. दोघंही प्रत्येक सुख-दुःखात एकमेकांना साथ देतात. अनेकदा नवरा बायकोमध्ये वादही होतात. मात्र, ते वाद काही वेळातच मिटतात. काही वेळा मात्र हे वाद अतिशय टोकाला पोहोचतात.असंच एक अजब प्रकरण आता उत्तर प्रदेशातील आग्रामधून समोर आलं आहे. इथे तीन मुलांच्या आईने पतीला न सांगता नसबंदी केली. यानंतर जे घडलं, जे अतिशय विचित्र होतं.हा प्रकार पतीला समजताच त्याने पत्नीला घराबाहेर हाकलून दिलं. त्यानंतर महिलेनं पोलिसांकडे मदत मागितली.

हे प्रकरण समुपदेशन केंद्रापर्यंत पोहोचलं. तिथे पतीने पत्नीला घराबाहेर काढण्याचं कारण सांगितलं, तेव्हा सर्वांनाच धक्का बसला. पतीने सांगितलं की त्याला आणखी मुलं हवी आहेत. मात्र, पत्नीने त्याला न सांगता नसबंदी करून केली. समुपदेशन केंद्रातील लोकांनी पती-पत्नीमध्ये समजूत काढली.प्रकरण आग्रा येथील ताजगंज भागातील आहे. इरादत नगर भागात राहणाऱ्या या महिलेचं 2018 मध्ये ताजगंज येथे लग्न झालं होतं. पती तहसीलमध्ये कंत्राटी कर्मचारी आहे. लग्नानंतर दोघांना दोन मुली आणि एक मुलगा झाला. महिलेनं सांगितलं की, तिच्या पतीला आणखी मुलं हवी आहेत.

मात्र, त्यांना आधीच तीन मुलं आहेत. तिला आणखी मुलं नको होती. त्यामुळे तिने नसबंदी केली. हा प्रकार तिने पतीला सांगताच त्याने तिला घरातून हाकलून दिलं.पत्नीने सांगितलं की, ती गेल्या 8 महिन्यांपासून तिच्या माहेरच्या घरी राहत आहे. सुरुवातीला महिलेला वाटलं की तिचा नवरा तिला परत बोलावेल. मात्र तसं न झाल्याने महिलेनं पोलिसांची मदत मागितली. तिथून हे प्रकरण समुपदेशन केंद्रापर्यंत पोहोचलं. शनिवारी समुपदेशक डॉ.सतीश खिरवार यांनी दोघांनाही समुपदेशनासाठी बोलावलं. इथे समजावून सांगितल्यानंतर दोघांमध्ये समेट झाला.

हे पण वाचा

• Viral Video: पोलीस स्टेशनबाहेरच गर्लफ्रेंड आणि बॉयफ्रेंडमध्ये जोरदार राडा; दोघांनी एकमेकांना धु धु धुतले पहा धक्कादायक व्हिडिओ.
• पैशाच्या लालसेपोटी सेवानिवृत्त परिचारीकेच्या केला होता खून; या गुन्ह्यातील ३० लाखांची रक्कम नातेवाईकांना केली परत.
• शेअर मार्केटिंगसाठी लोकांकडून पैसे का घेतो असे बोलण्याच्या राग आल्याने धरणगावात वृद्ध आजीवर नातवाने केला हल्ला. अज्ञाताने हल्ला करून पळून गेल्याच्या केला बनाव.
• पारोळा शिवारात 40 वर्षीय महिलेचा डोक्यात दगड टाकून खून;महिलेची ओळख पटली,आरोपी गजाआड, पारोळा पोलिसांची कामगिरी
• दोघांच्या लग्नाला झाली १३ वर्षे, अचानक महिलेस भेटला तिच्या प्रियकर, दोघांच्या मनावर राहिला नाही ताबा अन् मग पतीने असे केले की……