जळगाव : उन्हाळ्याचे दिवस असल्याने उष्णता व गर्मी वाढली आहे. यामुळे घराघरात कुलरचा वापर देखील वाढला आहे. अशाच प्रकारे दुपारच्या सुमारास कुलर सुरु करताना विजेचा जोरदार झटका बसून १२ वर्षीय मुलीचा मृत्यू झाल्याची घटना जळगाव तालुक्यातील किनोद या गावी घडली. किनोद (ता. जळगाव) येथे आई व दोन बहिणींसह वास्तव्यास असलेली अक्षदा किशोर मोरे (वय १२) या मुलीचा दुर्दैवी मृत्यू झाला. उन्हामुळे दुपारी गरम होत असल्याने घरामध्ये लावलेला पत्र्याचा कुलर सुरू करण्यासाठी अक्षदा ही गेली.
तिने कुलर सुरु करण्यासाठी बटन सुरू करत असताना तिला विजेचा जोरदार धक्का लागल्याने ती फेकली गेली. घरात असलेल्या तिच्या आईला हा प्रकार दिसताच तिने आरडाओरड केली. आवाज ऐकून आजूबाजूच्या परिसरातील नागरिक धावून आले. यानंतर अक्षदाला जळगाव येथे शासकीय वैद्यकीय महाविद्यालय व रुग्णालयात आणले. येथे तपासणी करून वैद्यकीय अधिकारी यांनी तिला मयत घोषित केले. यावेळी कुटुंबीयांनी मन हेलावणारा आक्रोश केला. याप्रकरणी जळगाव तालुका पोलीस स्टेशनला अकस्मात मृत्यूची नोंद करण्यात आली आहे.
हे पण वाचा
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
