पिंपरी:- एका महिलेचा खून करून महिलेचा मृतदेह मुळा नदीतील एका झाडावर लटकवला. ही घटना बुधवारी (दि. 30) दुपारी पाच वाजता मुळशी तालुक्‍यातील माणगावात उघडकीस आली.
रमेश पुखराजजी गेहलोत (वय 44, रा. डांगे चौक, पुणे. मूळ रा. राजस्थान) यांनी याप्रकरणी हिंजवडी पोलीस ठाण्यात फिर्याद दिली आहे. त्यानुसार अज्ञात आरोपीच्या विरोधात गुन्हा दाखल करण्यात आला आहे. मयत महिलेची ओळख पटलेली नाही. बुधवारी सायंकाळी पाच वाजता माणगावात मुळा नदीच्या पात्रात एका झाडावर महिलेचा मृतदेह आढळून आला.
घटनेची माहिती मिळताच हिंजवडी पोलिसांनी घटनास्थळी धाव घेतली महिलेचा मृतदेह पोलिसांनी ताब्यात घेतला. महिलेची ओळख अद्याप पटलेली नाही. ही घटना बुधवारी दुपारी पाच वाजण्यापूर्वी घडलेली आहे. हिंजवडी पोलीस तपास करीत आहेत.
