यावल : तालुक्यातील कोळवद येथील माहेर असलेल्या ३० वर्षीय विवाहितेच्या चारित्र्यावर संशय घेत तिने पतीला मोटरसायकल घेण्यासाठी माहेरून एक लाख रुपये आणावे याकरिता छळ केला व पैसे आणले नाही म्हणून फारकत देऊन मोकळी हो अशी धमकी देत तिला माहेरी सोडून दिले. तेव्हा या प्रकरणी यावल पोलीस ठाण्यात पाच जणांविरुद्ध गुन्हा दाखल करण्यात आला आहे.
कोळवद ता. यावल येथील माहेर असलेल्या नशिबा फिरोज तडवी वय ३० या विवाहितेने यावल पोलीस ठाण्यात शनिवारी दिलेल्या फिर्यादीनुसार तिचा विवाह विवरे बुद्रुक ता. रावेर येथील फिरोज अरमान तडवी यांच्यासोबत १९ मे २०१३ रोजी झाला होता. विवाह नंतर पती तिच्या चरित्रावर संशय घेऊ लागले व तिला शिवीगाळ करून मारहाण करू लागले व फारकत देऊन मोकळी हो असे सांगू लागले.
तसेच माहेरच्या लोकांनी पतीला मोटरसायकल घेण्यासाठी माहेरून एक लाख रुपये आणावे म्हणून तिचा छळ सुरू केला व तिला शारीरिक आणि मानसिक त्रास दिला. व तिला माहेरी सोडून दिले. तेव्हा सदर विवाहितेने वरिल दिलेल्या फिर्यादीवरून यावल पोलीस ठाण्यात फिरोज अरमान तडवी, हसीना अरमान तडवी, सलमा आसिफ तडवी, असिफ तडवी, महमूद अरमान तडवी रा.विवरे बुद्रुक या पाच जणाविरुद्ध विवाहितेचा छळ केला म्हणून गुन्हा दाखल करण्यात आला आहे. पुढील तपास पोलीस निरीक्षक प्रदीप ठाकूर यांच्या मार्गदर्शनाखाली हवालदार राजेंद्र पवार करीत आहे.
हे पण वाचा
- एरंडोल विधानसभा मतदारसंघात महायुतीचे उमेदवार अमोलदादा पाटील यांचा एकतर्फी विजय,५६ हजार ३३२ मतांनी दणदणीत विजय.
- Viral Video:एका कारचालकास रुग्णवाहिकेला रस्ता न देणे पडले महागात, पोलिसांनी शिकवला धडा, लायसन्स केलं रद्द अन् केला लाखो रुपये दंड.
- आक्षेपार्ह पोस्टमुळे धरणगावात तणावपूर्ण बंद; भाजप व शिवेसेनेतर्फे पोलीस निरीक्षकांना निवेदन
- पतीच्या उपचारादरम्यान हृदयविकाराच्या झटक्याने मृत्यूनंतर तीन तासांत पत्नीने संपवली जीवन यात्रा; दोघांचे एकाच चितेवर अंत्यसंस्कार
- सोशल मिडीयावर माळी समाजावरील आक्षेपार्ह मजकुराच्या निषेधार्थ एरंडोल बंद; माजी पालकमंत्री डॉ.सतीश पाटील यांच्या पुतळ्याचे दहन.
