नाशिक :- नातवाला ताब्यात ठेवायचे असेल, तर सासू-सासऱ्यांकडे गाडी व फ्लॅट नावावर करण्यासह दहा कोटी रुपयांची खंडणी मागणाऱ्या सुनेसह तिच्या प्रियकराविरुद्ध गुन्हा दाखल करण्यात आला आहे. याबाबत पोलिसांनी दिलेली माहिती अशी, की फिर्यादी साहेबराव हिंमतराव पाटील (वय 65, रा. कर्मयोगीनगर, आर. डी. सर्कल, नाशिक) हे सेवानिवृत्त पोलीस अधिकारी आहेत. पाटील यांची आरोपी सून स्नेहा रोशन पाटील व तिचा प्रियकर अजिंक्य पाटील (दोघेही रा. करावे, नेरूळ, नवी मुंबई) यांनी संगनमत करून कटकारस्थान रचले.

त्यानंतर फिर्यादी पाटील व त्यांच्या कुटुंबीयांचे मानसिक खच्चीकरण व्हावे, तसेच समाजात बदनामी करून प्रतिमा मलिन केली; मात्र पाटील कुटुंबीयांनी सून स्नेहा व अजिंक्य पाटील यांच्या अनैतिक संबंधांवर पांघरुण घातले; परंतु सुनेने दुष्ट व अप्रामाणिक हेतू डोळ्यासमोर ठेवून पाटील कुटुंबीयांचे आर्थिक नुकसान करण्याच्या इराद्याने व स्वत:च्या आर्थिक फायद्यासाठी स्नेहा पाटील हिने फिर्यादी साहेबराव पाटील, पत्नी शोभा, तसेच मुलगा रोशन यांना वेळोवेळी धमक्या देऊन, भीती घातली, तसेच फिर्यादीपाटील यांच्या पत्नीला धक्काबुक्की करून शिवीगाळ व दमदाटी केली.

एवढेच नव्हे, तर फिर्यादी पाटील व त्यांच्या कुटुंबीयांना नातू सम्राटला भेटण्यासाठी, त्याला ताब्यात ठेवण्यासाठी आरोपी स्नेहा पाटील हिने फिर्यादी साहेबराव पाटील यांच्यासह त्यांच्या कुटुंबीयांकडे नवी मुंबईमध्ये जॅगवॉर गाडी, फ्लॅट्स नावावर करून देण्यासह दहा कोटी रुपयांची खंडणी मागितली. हा प्रकार ऑगस्ट 2016 ते दि. 7 मे 2024 या कालावधीत घडला. सून स्नेहा व तिचा प्रियकर अजिंक्य पाटील यांच्याकडून वारंवार होणाऱ्या त्रासाला कंटाळून अखेर साहेबराव पाटील यांनी अंबड पोलीस ठाण्यात दोघांविरुद्ध फिर्याद दिली असून, पुढील तपास पोलीस उपनिरीक्षक शेवाळे करीत आहेत.

हे पण वाचा

• Viral Video:एका बॉयफ्रेंडसाठी दोन तरुणींमध्ये भररस्त्यात कपडे फाडत झिंज्या उपटत तुफान हाणामारी पहा व्हिडिओ.
• धुमधडाक्यात झाला विवाह संपन्न,लग्नाच्या रात्री नवरीने दुधात नशेचं औषध मिसळून दिले नवऱ्याला अन् १२ लाखाचे दागिने घेवून नवरी फरार,६ जणांचं आयुष्य उद्ध्वस्त
• जळगाव जिल्ह्यात येत्या २७ व २८ डिसेंबर रोजी पावसाचा यलो अलर्ट ! नागरिकांना सतर्कतेचा इशारा
• ViralVideo:सोशल मीडियावर फॉलोअर्स मिळवण्यासाठी अर्धनग्न अवस्थेत अश्लील व्हिडीओ बनविणाऱ्या जोडप्यांना पोलिसांनी केली अटक,अन्..
• दोन तरुणी पडल्या एकमेकींच्या प्रेमात,7.50 लाख ₹ खर्चून, लिंग बदलाची शस्त्रक्रिया पूर्ण होण्या आधीच तरुणीने तरुणीशी लग्न केलं, अन्…