प्रियकराविरुद्ध पोलिस ठाण्यात पोस्को अंतर्गत गुन्हा दाखल.
मारेगाव :- प्रेमाच्या आणाभाका एकीसोबत आणि लग्न दुसरीसोबत लावणाऱ्या प्रियकराविरोधात अखेर फसवणूक झालेल्या प्रेयसीने पोलिसात तक्रार दाखल केली. ही घटना मारेगाव तालुक्यातील रोहपटची असून या घटनेने प्रेयसीला मोठा धक्का बसला आहे.एका अल्पवयीन मुलीचे सगणापूरच्या एका २३ वर्षीय युवकाशी सूत जुळले. २०१९ मध्ये जुळलेले हे प्रेम दिवसेंदिवस बहरत गेले.
भेटीगाठी वाढल्या. अशातच ८ नोव्हेंबर २०२२ ला आरोपीने या मुलीला घरी बोलावून १६ नोव्हेंबर २०२२ ला घराचा वास्तू आहे. त्यादिवशीच आपण लग्न करू असे सांगून आठ दिवस लैंगिक अत्याचार केला. त्यानंतरही तो लग्नाचे आमिष देऊन वारंवार तिचे शोषण करीत याची कोठेही वाच्यता केल्यास जिवे मारण्याची धमकी देत होता.गावातील ग्रामसेवक आणि आशा वर्कर यांनी १८ वर्षे पूर्ण झाल्याशिवाय तुम्हाला लग्न लावता येत नाही असे सांगितले. तसेच १८ वर्षे पूर्ण झाल्यावर याच मुलीशी लग्न करेन असे मुलाकडून कबूलही करून घेतले होते.
मुलगी दुसऱ्या गावाला राहत असल्याचा फायदा घेऊन प्रियकराने १ मे २०२४ ला दुसèया मुलीशी लग्न केले. हे कलताच त्या मुलीला धक्काच बसला. २०१९ पासूनचे प्रेम एकाएकी तुटून पडले. घेतलेल्या आणाभाका हवेतच विरून गेल्या. विमनस्क झालेल्या प्रेयसीने अखेर प्रियकराविरुद्ध मारेगाव पोलिस ठाण्यात तक्रार केली.यावरून मारेगाव पोलिसांनी आरोपी प्रियकराविरुद्ध कलम ३७६ (२) (प), ५०६, बाललैंगिक अत्याचारापासून संरक्षण कलम ३ (अ), ४, ५ (आय) ६ नुसार गुन्हा दाखल केला असून अधिक तपास ठाणेदार शंकर पांचाळ यांच्या मार्गदर्शनात सुरू आहे.
हे पण वाचा
- 26 वर्षीय महिला शिक्षिकेने लग्नास नकार दिल्याने, हताश झालेल्या 30 वर्षीय युवकाने शाळेच्या आवारातच महिला शिक्षिकेची केली हत्या!
- दुर्दैवी घटना! पोलीस सर्व्हिसचे प्रशिक्षण पूर्ण करुन पहिल्याच पोस्टिंगसाठी जाताना गाडीचे टायर फुटल्याने IPS अधिकाऱ्याच्या मृत्यू.
- सावदा येथे सराफ दुकानास आग; आगीमुळे लाखो रुपयांचे नुकसान झाल्याचा अंदाज.
- हजारो भाविकांच्या उपस्थितीत नथ्थू बापुंना चढवली भगवी चादर; पांडवनगरी बहुउद्देशीय संस्थेचा उपक्रम.
- धक्कादायक! गेल्या चार वर्षांपासून पोलीस चौकीत हवालदार म्हणून तैनात, सोशल मीडियावरही अ‍ॅक्टिव्ह, वसुली सुरू, अन् एके दिवशी असा झाला पर्दाफाश.
