यावल : तालुक्यातील साकळी या गावाजवळील भोनक नदीच्या पुलावर एका रिक्षा द्वारे तीन जण प्रतिबंधित गुटखा वाहतूक करीत होते. याबाबतची गोपनीय माहिती यावल पोलिसांना मिळाली तेव्हा पोलिसांच्या पथकाने कारवाई करीत एक लाख ३७ हजार ८८० रुपयांचा मुद्देमाल हस्तगत करीत तिघांविरुद्ध गुन्हा दाखल करून त्यांना अटक केली आहे.ही कारवाई सोमवारी सकाळी करण्यात आली
साकळी ता. यावल या गावाच्या जवळ भोनक नदी आहे. या भोनक नदीच्या पुलावरून रिक्षा क्रमांक एम. एच.१९ सी.डब्ल्यू. ३५४९ मध्ये प्रमोद जगन्नाथ बुरूजवाले रा.यावल, शेख रफिक शेख मुनाफ मन्यार रा.साकळी, संदीप उर्फ बापू सोपान धनगर रा.यावल हे तिघे प्रतिबंधित गुटखा वाहतूक करीत होते. तेव्हा याबाबतची माहिती यावल पोलीस निरीक्षक प्रदीप ठाकूर यांना मिळाली. तेव्हा त्यांनी पोलीस उपनिरीक्षक मुजफ्फर खान, हवालदार सिकंदर तडवी, अलाउद्दीन तडवी या पथकाला त्या ठिकाणी जाऊन कारवाईचे आदेश दिले.
या पथकाने त्या ठिकाणी जाऊन कारवाई करीत रिक्षा तसेच प्रतिबंधित विमल गुटखा असा एकूण एक लाचा ३७ हजार ८८० रुपयांचा मुद्देमाल जप्त केला आहे व या प्रकरणी यावल पोलीस ठाण्यात पोलीस हवालदार अलाउद्दीन तडवी यांच्या फिर्यादीवरून तीन जणाविरुद्ध गुन्हा दाखल करण्यात आला आहे. तीघांना पोलिसांनी अटक केली आहे. पुढील तपास पोलीस निरीक्षक प्रदीप ठाकूर यांच्या मार्गदर्शनाखाली सहायक पोलीस निरीक्षक हरीश भोये करीत आहे.
हे पण वाचा
- 33/11 केव्ही क्षमतेचा उपकेंद्राचे शिरसमणी येथे आमदार मा.अमोलदादा पाटील यांच्या शुभहस्ते भुमीपुजन….
- चाळीसगाव तालुक्यात वीज पडून तिघांचा मृत्यू, एकजण जखमी.
- एरंडोल चे माजी नगराध्यक्ष अपघातात गंभीर जखमी; माजी नगरसेविका पत्नी कल्पना महाजन यांनी केली घातपात असल्याची तक्रार.
- जिल्ह्यात गावठी कट्टे विकणाऱ्यां दोघांना स्थानिक गुन्हे शाखेच्या कर्मचाऱ्यांनी केले जेरबंद; 1 लाख 70 हजार रुपयाचा मुद्देमाल जप्त.
- 60 वर्षीय व्यक्तीने विधवा महिलेवर केला बलात्कार, नराधमास धडा शिकविण्यासाठी लैंगिक अत्याचार झालेल्या अनेक महिलांनी आरोपीस जिवंत जाळले
