नंदुरबार :- जिल्ह्यातील नवापूर तालुक्यातून एक धक्कादायक घटना समोर आली आहे. तालुक्यातील बोरपाडा धरणात जिवलग मैत्रिणींचा पाण्यात बुडून मृत्यू झाला आहे.यामध्ये बेडकी येथील दोन 16 वर्षीय युवतींचा समावेश आहे. या घटनेमुळे परिसरात खळबळ उडाली असून सर्वत्र हळहळ व्यक्त करण्यात येत आहे.
कशी घडली घटना?
बेडकी येथील उज्वला जयंत्या गावित (वय 16) व मिखा सानु गावित (वय 16) दोन्ही मैत्रिणी गावालगतच्या बोरपाडा धरणाच्या किनारी आंघोळीला गेल्या होत्या. बोरपाडा धरणाच्या किनारी दगडावर बसुन आंघोळ करीत असताना उज्वला गावित व मिखा गावित यांचा पाय घसरून धरणातील खोल पाण्यात पडल्या. परिसरात कोणीही नसल्याने त्यांना मदत मिळून शकली नाही व त्यांचा पाण्यात बुडून मृत्यू झाला. घटनेची माहिती मिळताच स्थानिक ग्रामस्थ व मुलींच्या नातेवाईकांनी घटनास्थळी धाव घेतली.
यावेळी दोन्ही मुलींचे मृतदेह धरणाच्या पाण्यात बुडालेल्या अवस्थेत मिळून आले.घटनास्थळी विसरवाडी पोलीस दाखल झाल्यानंतर पंचनामा करून मृतदेह विसरवाडी ग्रामीण रुग्णालयात शवविच्छेदनासाठी पाठवण्यात आले. मयत मिखा गावित हिच्या पश्चात आई-वडील एक भाऊ असा परिवार आहे. तर मयत उज्वला गावित हिच्या पश्चात आई वडील चार बहिणी असा परिवार आहे. सदर घटनेत दोन्ही जिवलग मैत्रिणींचा दुर्दैवी जीव गेल्यामुळे बेडकी गावासह परिसरात शोककळा पसरली आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
