हरिद्वार : कुटुंबीयांच्या विरोधात जात अनेक तरुण-तरुणींनी एकमेकांनी लग्न केल्याच्या घटना तुम्ही ऐकल्या असतील. मात्र, त्यातच आता आणखी एक अनोखी घटना समोर आली आहे.दोन तरुणींनी एकमेकींशी निकाह करण्याचा निर्णय घेत पोलीस ठाण्यात धाव घेतली. आम्ही एकमेकींशिवाय राहू शकत नाही. आम्हाला आयुष्यभर सोबत राहायचे आहे. त्यामुळे आमचा निकाह करून द्यावा, अशी मागणी त्यांनी पोलिसांकडे केली.ही घटना हरिद्वार येथील आहे. दोन्ही तरुणींना यावेळी समजावण्यात आले.
मात्र, त्या ऐकण्याच्या स्थितीत नव्हत्या. तसेच आमचे एकमेकींशी लग्न लावून देण्यात यावे, अशी मागणी त्यांनी केली. अनेक तास हा गोंधळ याठिकाणी पाहायला मिळाला. शेवटी त्यांच्या कुटुंबीयांना बोलावून या दोन्ही तरुणींना त्यांच्या ताब्यात देण्यात आले. पोलिसांनाही तरुणींच्या या मागणीनंतर आश्चर्य झाले. हरिद्वारच्या ज्वालापुर येथील या घटनेची सर्वत्र एकच चर्चा होत आहे.
कसं जुळलं सूत –
काही दिवसांपूर्वी हरिद्वारच्या ज्वालापूर येथील एक मुलगी आपल्या कुटुंबीयांसह पिरान करियर दरगाह येथे आली होती. इथे तिची भेट सहारनपूर येथील मुलीसोबत झाली. दोघांनी एकमेकींचे नंबर घेतले. यानंतर त्या फोनवर नियमितपणे बोलू लागल्या. तसेच व्हॉट्सअपवरही चॅट करू लागल्या. यानंतर त्या दोघींच्या मैत्रीचे रुपांतर प्रेमात झाले आणि दोघींनी एकमेकींसोबत आयुष्यभर एकत्र राहण्याचा निर्णय घेतला.यानंतर सहारनपूर येथील मुलगी ज्वालापूर येथे आली.
दोन्ही तरुणी स्थानिक पोलिस ठाण्यात आल्या आणि आम्हाला एकमेकींसोबत राहायचे आहे, आमच्या दोघींचा एकमेकींसोबत निकाह करुन देण्यात यावा, अशी मागणी त्यांनी केली. त्यांना समजावले मात्र त्या ऐकण्याच्या स्थितीत नव्हत्या. यामुळे त्यांच्या कुटुबीयांना याबाबतची माहिती देण्यात आली. यानंतर त्यांचे कुटुंबीय पोलीस ठाण्यात पोहोचले. यानंतर त्या दोघींना त्याच्या कुटंबीयांच्या ताब्यात देण्यात आले, अशी माहिती ज्वालापूर पोलीस ठाण्याचे इन्चार्ज निरीक्षक रमेश तनवार यांनी दिली.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
