झुंजार प्रतिनिधी । पारोळा
पारोळा – देशात रोजच्या पेट्रोल, डिझेल, गॕस, खाद्यतेल, डाळी यांसह इतर संसारोपयोगी साधनांच्या वाढत्या दरामुळे शेतकरी, सर्वसामान्य नागरिक अक्षरशः होरपळुन गेला आहे. रोजच्या वाढत्या महागाईमुळे जनता अतिशय चिंतेत आहे.
तसेच या महागाईला आवर घालण्यासाठी केंद्र शासनातर्फे कुठलेही ठोस पाऊल उचलले जात नाहीये. त्यामुळे शेतकरी, सर्वसामान्य जनता मोठ्या आर्थिक संकटात सापडलेली असुन जनतेच्या चिंतेत अधिकाधिक भर होतांना दिसत आहे. रोजगारासंदर्भात कुठलेच ठोस निर्णय घेतले जात नसतांना वाढत्या महागाईमुळे जनजीवन पुर्णपणे विस्कळीत झालेले आहे.
याचअनुषंगाने पेट्रोल, डिझेल, गॕस, खाद्यतेल, डाळी यांसह संसारोपयोगी साधनांचा वाढत्या महागाई विरोधात पारोळा कृषि उत्पन्न बाजार समितीचे सभापती तथा जळगांव जिल्हा बँकेचे संचालक मा.अमोलदादा पाटील यांच्या नेतृत्वात पारोळा येथील युवासेनेतर्फे केंद्र शासनाचे अभिनंदन करत जाहीर निषेध व्यक्त करण्यात आला. याप्रसंगी पारोळा शिवसेना, युवासेनेचे पदाधिकारी, कार्यकर्ते यांसह नागरीक उपस्थित होते.
