एरंडोल :- तालुक्यातील खेडगाव येथील राहणारे किसन मोरसिंग राठोड वय ४६ या शेतकऱ्याने कर्जबाजारीला कंटाळून राहत्या घरात विषारी औषध सेवन केल्याची घटना शनिवारी १५ जून रोजी दुपारी २ वाजता घडली होती.जळगाव शासकीय वैद्यकीय महाविद्यालयात उपचार सुरू असतांना मंगळवाारी १८ जून रोजी मध्यरात्री २ वाजता मृत्यू झाला आहे. याबाबत जिल्हापेठ पोलीसात अकस्मात मृत्यूची नोंद करण्यात आली.याबाबत अधिक असे की, किसन राठोड हे आपल्या कुटुंबासह एरंडोल तालुक्यातील खेडगाव येथे वास्तव्याला होतो.
शेती करून ते आपला उदरनिर्वाह करत होते. दरम्यान, शेतीसाठी ते कर्जबाजारी झाले होते. कर्जबाजारीला कंटाळून त्यांनी शनिवारी १५ जून रोजी दुपारी २ वाजता राहत्या घरी विषारी औषध सेवन केले. त्यांना अस्वस्थ वाटू लागल्याने नातेवाईकांनी खासगी वाहनाने तातडीने जळगाव येथील शासकीय वैद्यकीय महाविद्यालयात उपचारार्थ दाखल करण्यात आले. त्यांच्यावर उपचारा सुरू असतांना मंगळवारी १८ जून रोजी मध्यरात्री २ वाजता मृत्यू झाला. मृत्यूची वार्ता कळताच नातेवाईकांनी एकच आक्रोश केल्याचे पहायला मिळाले. त्यांच्या पश्चात पत्नी लताबाई आणि अनिल व सुनिल असे दोन मुले असा परिवार आहे. याबाबत जिल्हापेठ पोलीसात अकस्मात मृत्यूची नोंद करण्यात आली आहे.
हे पण वाचा
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
