अकोला :- जिल्ह्यात एक हृदयद्रावक घटना घडली आहे. काळेगाव येथे कुलरमधून विजेचा जोरदार धक्का लागल्याने दोन चिमुकल्या मुलींचा मृत्यू झाल्याची दुर्दैवी घटना घडली आहे. ही घटना रविवारी २३ जून रोजी दुपारच्या सुमारास घडली.ईशानी प्रवीण ढोले (वय-४) आणि प्रियांशी सोपान मेतकर (वय-५) असं दुर्दैवी मृत्यू झालेल्या मुलींची नावे आहेत. या घटनेने परिसरात शोककळा पसरली आहे. या प्रकारच्या घटना सतत घडत असलेल्याने सुरक्षेचा प्रश्न ऐरणीवर आला आहे.
नेमकं काय घडल?
अकोला जिल्ह्यातील काळेगाव येथे उन्हाळ्याची सुट्टी असल्याने दोन मुली आपल्या मामाच्या घरी आल्या होत्या. रविवारी दुपारी त्या दोन्ही चिमुकल्या घरात खेळत होत्या. त्यावेळी घरात कुलर सुरू होता. या कुलरला त्या दोन मुलींचा नकळत स्पर्श झाला. या कुलरमध्ये विजेचा प्रवाह उतरला होता. त्यावेळी त्यांना विजेचा जोरदार धक्का बसला.
या घटनेत दोन्ही मुलींचा घटनास्थळीच मृत्यू झाला. या हृदयद्रावक घटनेमुळे परिसरात शोककळा पसरली असून हळहळ व्यक्त केली जात आहे. या प्रकरणी हिवरखेड पोलीस ठाण्यात आकस्मित मृत्यूची नोंद करण्यात आली आहे.
हे पण वाचा
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
