भुलापल्ली (तेलंगणा) :- भारतातील वेगवेगळ्या राज्यांतून आणि परिसरातून दररोज बलात्काराच्या अनेक घटना समोर येत आहेत. मात्र, तेलंगणातून बलात्काराची धक्कादायक घटना समोर आली आहे.राज्यातील जयशंकर भुलापल्ली जिल्ह्यातील एका पोलीस उपनिरीक्षकावर महिला हेड कॉन्स्टेबलकडे रिव्हॉल्व्हर दाखवून बलात्कार केल्याचा आरोप आहे. महिला अधिकाऱ्याच्या तक्रारीवरून आरोपी पोलिस उपनिरीक्षकाविरुद्ध गुन्हा दाखल करून त्याला अटक करण्यात आली आहे.
काय आहे संपूर्ण प्रकरण?
तेलंगणा पोलिसांनी बुधवारी माहिती दिली की, जिल्ह्यातील कलेश्वरम पोलिस स्टेशनमध्ये तैनात असलेल्या एका महिला हेड कॉन्स्टेबलने त्याच पोलिस ठाण्यात कर्तव्यावर असलेल्या उपनिरीक्षकावर लैंगिक छळाचा आरोप केला आहे. महिला हेड कॉन्स्टेबलने आरोप केला आहे की, उपनिरीक्षकाने सिंचन प्रकल्पाच्या अतिथी कक्षात तिचा लैंगिक छळ केला.
रिव्हॉल्वर दाखवून बलात्कार केला
महिला हेड कॉन्स्टेबलने आपल्या तक्रारीत आरोप केला आहे की, आरोपी सब इन्स्पेक्टरने रिव्हॉल्वर दाखवून तिच्यावर बलात्कार केला. यासोबतच हा प्रकार कुणाला सांगितल्यास गंभीर परिणाम भोगावे लागतील, अशी धमकीही उपनिरीक्षकाने लेडी हेड कॉन्स्टेबलला दिली होती. आरोपीने आपला अनेकवेळा पाठलाग केल्याचा आरोपही महिलेने केला आहे.
पोलिसांनी काय सांगितले?
या संपूर्ण प्रकरणावर पोलिसांचे म्हणणेही समोर आले आहे. पोलिसांनी सांगितले की, महिलेने दिलेल्या तक्रारीत उपनिरीक्षकाने महिलेला रिव्हॉल्वर दाखवून बलात्कार केल्याचा आरोप करण्यात आला आहे. एका पोलीस अधिकाऱ्याने दिलेल्या माहितीनुसार, महिलेच्या तक्रारीच्या आधारे, भारतीय दंड संहितेच्या (आयपीसी) संबंधित कलमांखाली उपनिरीक्षकाविरुद्ध गुन्हा दाखल करण्यात आला असून तपास सुरू आहे. आम्ही वस्तुस्थिती जाणून घेऊ.
हे पण वाचा
- Viral Video:सोशल मीडियावर रील बनवायच्या नादात महिलेच्या साडीला लागली आग;अन् पुढे जे झाले ते भयानकच पहा व्हिडिओ
- एक सेलिब्रिटी ज्याचे इन्स्टाग्रामवर 56 लाख फॉलोअर पण त्यास 200 जणांनीही मत दिलं नाही! त्याची सोशल मीडियावर जोरदार चर्चा.
- वारंवार होत असलेल्या भांडणामुळे पतीने झोपलेल्या पत्नीच्या डोक्यात दगड घालून केली हत्या, स्वतःहून पोलिस ठाण्यात झाला हजर.
- यावल तालुक्यात शेत शिवारात कापूस वेचणी करतांना सर्पदंश झालेल्या ३० वर्षीय महिलेचा उपचारादरम्यान मृत्यू.
- आजचे राशी भविष्य रविवार दि. २४ नोहेंबर २०२४
