वसई :- फसवणूक प्रकरणात अटक केलेल्या एका आरोपीकडे असलेल्या बेडीच्या चावीने नकली पोलिसाचे बिंग फुटले. आरोपी नकली पोलीस बनून वावरत होता. त्याच्याकडे पोलिसांचे गणवेश, बनावट ओळखपत्र आणि इतर वस्तू आढळून आल्या.वसईतील महेंद्रकुमार पुरोहीत या फिर्यादीचे मोबाईल विक्रीचे दुकान आहे. या दुकानातून काही दिवसांपूर्वी एका ठकसेनाने १ लाख ६० हजारांचा मोबाईल फोन विकत घेतला होता. या ठकसेनाने दुकानदाराची फसवणूक करण्यासाठी १ लाख १० हजाराांची रक्कम बॅंकेत एनईफटीद्वारे ट्रान्सफर केल्याचे भासवले आणि तसा एडीट केलेला खोटा मेसेज दाखवला. तसेच ५० हजारांचा बनवाट धनादेश दिला होता. दुकानदाराच्या नंतर हा प्रकार लक्षात आल्यानंतर त्याने वालीव पोलीस ठाण्यात धाव घेतली. पोलिसांनी या प्रकरणी फसवणुकीचा गुन्हा दाखल करून तपास सुरू केला होता.

..आरोपीच्या हातातील की चेनमुळे फुटले बिंग

वालीव पोलिसांच्या गुन्हे प्रकटीकरण शाखेने सीसीटीव्ही आणि इतर तांत्रिक बाबींचा तपास करून आरोपी फैजुल अबू हसन शेख (२८) याला अटक केली. त्याची चौकशी सुरू असताना त्याच्या हातात असलेल्या चावीला बेडी असलेली की चेन दिसली. त्यामुळे पोलिसांनी कुतूहलापोटी बेडी असलेल्या कि-चेनचा तपास केला असता धक्कादायक माहिती मिळाली. आरोपीकडे पोलिसांचे गणवेश, बनावट ओळखपत्र, नियुक्ती पत्रे, पोलीस वापरतात तशा एकूण ३० वस्तू आढळून आल्या. त्यामुळे तो नकली पोलीस बनून वावरत असल्याचे निष्पन्न झाले.

मला पूर्वी पोलीस बनवायचे स्वप्न होते. मात्र ते पूर्ण न झाल्याने तो पोलीस बनून वावरत असल्याचा दावा आरोपीने केला आहे. मात्र त्याने पोलीस बनून फसनवणुकीचे गुन्हे केले असल्याचा संशय आहे. त्यादृष्टीने आम्ही तपास करत असल्याची माहिती गुन्हे प्रकटीकरण शाखेचे सहाय्यक पोलीस निरीक्षक सचिन सानप यांनी दिली.आरोपीने यापूर्वी देखील अशाच पद्धतीने बनावट धनादेश देऊन एक दुचाकी घेतली होती. त्याप्रकरणी त्याच्यावर गुन्हा देखील दाखल आहे. वरिष्ठ पोलीस निरीक्षक जयराज रणावरे, गुन्हे प्रकटीकरण शाखेचे सहाय्यक पोलीस निरीक्षक सचिन सानर, मुकेश पवार, मनोज मोरे, किरण म्हात्रे, सचिन दोरकर, सतीश गांगुर्डे, बाळू कुटे आदींच्या पथकाने या नकली पोलिसाला अटक केली.

हे पण वाचा

• धरणगावात रंगला कुस्त्यांचा जोरदार आखाडा…. महाराष्ट्र चॅम्पियन पृथ्वीराज पाटील व भारत केसरी शमशाद शेख यांच्यात थरार
• जन्मदात्या आईच्या मृतदेह समोरून गेला सरणावर, 8 मुली 1मुलगा पैकी कोणीही अंत्यसंस्कारासाठी तयार होईना, पण जमिनीच्या वाटणीला मात्र…..
• Viral Video: घराच्या छतावर पती पत्नीचे भांडण गेले टोकाला; पत्नीने थेट पतीला छतावरूनच खाली फेकले, पहा धक्कादायक व्हिडिओ.
• पती होता अनैतिक संबंधात अडसर बायकोने रचला डाव पलंगावर झोपलेल्या नवऱ्यावर वार करून केली हत्या,पोलिसांनी तीन तासात पत्नी व प्रियकराला केली अटक.
• पत्नीच्या आई वडिलांकडून 25 तोळे सोने व 75 लाख रुपये घेऊनही पत्नीस शारीरिक व मानसिक छळ करणाऱ्या तहसिलदार पतीला अटक.