Viral Video : कर्नाटकची राजधानी बंगळुरुतून एक धक्कादायक घटना समोर आली आहे. येथील हेब्बल परिसरात राहणारी 24 वर्षीय महिला घराच्या छतावर भांडी घासत होती. यावेळी तिचा पाय साबणावर पडला आणि ती थेट खाली जमिनीवर कोसळली.या घटनेचा व्हिडिओ सध्या सोशल मीडियावर मोठ्या प्रमाणात व्हायरल होत आहे.सविस्तर माहिती अशी की, रुबाया नावाची महिला घराच्या छतावर भांडी घासत होती.
यावेळी तिचा पाय साबणावर पडला आणि तोल जावून ती पॅराफीट वॉलवर लटकली. व्हायरल व्हिडिओमध्ये महिला छतावर लटकलेली दिसत आहे, तर तिचा पती तिला वर खेचण्याचा प्रयत्न करतोय. महिला आपला जीव वाचवण्यासाठी बरीच धडपड करते, पण अखेर तिचा हात सुटतो आणि ती तिसऱ्या मजल्यावरुन खाली उभ्या असलेल्या दुचाकींवर पडते.
महिला रुग्णालयात दाखल
सुदैवाने महिला खाली पडल्यानंतर तात्काळ रुग्णालयात नेण्यात आले. महिलेच्या शरीराला गंभीर दुखापत झाली आहे, पण तिची प्रकृती स्थिर असल्याचे डॉक्टरांचे म्हणने आहे. पोलिसांनी या घटनेची नोंद केली असून, अधिक तपास सुरू केला आहे. महिला चुकून पडली की, तिला ढकलण्यात आले, याचा तपास केला जात आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
