पिंपरी : देहुरोड येथील हॉस्पिटलमध्ये मेडिकल स्टेअर, पॅथॉलॉजी लॅब टाकण्यासाठी पाच जणांकडून तब्बल ४१ लाख रुपये घेऊन पतीपत्नीने फसवणूक केल्याचा प्रकार समोर आला आहे.
याबाबत विजय दत्तु महाडिक (वय ३४, रा. नवी सांगवी) यांनी देहुरोड पोलिसांकडे फिर्याद दिली आहे. त्यानुसार पोलिसांनी मनीष नागेश डोईफोडे व पूजा मनीष डोईफोडे या पतीपत्नीविरुद्ध गुन्हा दाखल केला आहे. हा प्रकार नोव्हेबर २०२२ पासून आतापर्यंत घडला आहे.
याबाबत पोलिसांनी दिलेल्या महितीनुसार, देहुरोड येथे सुभश्री मल्टी स्पेशालिटी हॉस्पिटल आहे. डॉ. मनीष डोईफोडे हे त्याचे चालक आहेत. त्यांनी फिर्यादी व सतीश महाजन यांना सांगितले की, हे हॉस्पिटल ३६ बेडचे आहे. हॉस्पिटलमध्ये सर्व प्रकारच्या सुविधा देत आहोत व मेन रोडपासून जवळ असल्याने खूप बिझनेस होणार आहे, असे सांगून त्यांचा विश्वास संपादन केला. सुभश्री हॉस्पिटल येथे मेडिकल स्टोअर टाकण्यासाठी फिर्यादी यांच्याकडून ११ लाख रुपये घेऊन फसवणूक केली.
तसेच शुभम बाबुराव हरणे यांना मेडिकल स्टोअर टाकण्यासाठी ११ लाख रुपये घेतले. त्याचप्रमाणे रोहन संतोष निंबळे यांना पॅथॉलॉजी लॅब टाकण्यासाठी ६ लाख, प्रविण रोशन नवले यांना पॅथॉलॉजी लॅब टाकण्यासाठी १० लाख आणि सिद्धार्थ संजय बरळ
यांना मेडिकल स्टोअर टाकण्यासाठी प्रत्येकी १० लाख रुपये घेऊन एकूण ४१ लाख रुपये घेऊन पाच जणांची फसवणूक केली.पोलीस उपनिरीक्षक सोळंके तपास करीत आहेत.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
