एरंडोल :- बांगलादेशात हिंदू धर्मियांसह अन्य अल्पसंख्यांक समाजातील नागरिकांवर होणा-या अत्याचाराच्या निषेधार्थ बजरंग दल,राष्ट्रीय
स्वयंसेवक संघ,विश्व हिंदू परिषद,शिवप्रतिष्ठान,शहरातील सर्व महिला मंडळ,हिंदुत्ववादी संघटना व सकल हिंदू समाजाच्यावतीने काढण्यात आलेल्या निषेध मूक मोर्चात हजारो नागरिक,महिला,युवक सहभागी झाले होते. मोर्चात महिला व मुलींची उपस्थिती लक्षणीय होती.

बांगलादेशात होणा-या हिंदुंवरील अन्यायाच्या निषेधार्थ पुकारण्यात आलेल्या बंदला शहरात शंभर टक्के प्रतिसाद मिळाला. बांगलादेशात झालेल्या सत्तासंघर्षात कट्टरपंथीयांकडून हिंदू धर्मीय व अन्य अल्पसंख्यांक समाजाच्या नागरिकांवर अन्याय व अत्याचार करून
त्यांच्या मालमत्तांची जाळपोळ करून नुकसान केले जात आहे.मंदिरांची तोडफोड करून मूर्तींची विटंबना केली जात असून बांगलादेश सराकरने याकडे पूर्णपणे
दुर्लक्ष केले आहे.हिंदू महिला व मुलींवर मोठ्या प्रमाणात अत्याचार होत असल्यामुळे त्यांच्यात भीतीचे वातावरण निर्माण झाले आहे.

बांगलादेशात हिंदुंवर होत असलेल्या अत्याचाराच्या निषेधार्थ विविध हिंदू संघटना व सकल हिंदू समाजाच्यावतीने निषेध मूक मोर्चा काढण्यात आला.तसेच हिंदू संघटनांनी पुकारलेल्या बंदला शहरात व्यावसायिकांकडून उत्स्फूर्त प्रतिसाद मिळाला. शहरातील सर्व व्यापा-यांनी तसेच लहान व्यावसायिकांनी आपले व्यवसाय बंद ठेवून निषेध मोर्चात सहभाग नोंदवला होता.बंदमुळे शहरातील सर्व रस्त्यांवर आणि बाजारपेठांमध्ये शुकशुकाट निर्माण झाला होता. शहरातील सर्व शैक्षणिक संस्थांनी देखल बंदमध्ये सहभाग नोंदवला होता.

डॉ.बाबासाहेब आंबेडकर यांच्या पुतळ्यापासून मूक निषेध मोर्चास सुरुवात करण्यात आली.शहरातील प्रमुख मार्गांवरून मूक मोर्चा नेण्यात आल्यानंतर प्रांताधिकारी मनीषकुमार गायकवाड,तहसीलदार सुचिता चव्हाण, पोलीस निरीक्षक सतीश गोराडे यांना सकल हिंदू समाजाच्या वतीने निवेदन देण्यात आले.बांगलादेशातील हिंदूवरील अत्याचाराबाबत केंद्र सरकारने त्वरित
हस्तक्षेप करावा अशी मागणी यावेळी करण्यात आली.बंगलादेशातील हिंदूंना भारतात प्रवेश देण्यात यावा,सी.ए.ए.कायदा त्वरित लागू करण्यात यावा, भारतातील बांगलादेशी व रोहिंग्यांना त्वरित देशाबाहेर काढण्यात यावे,लव्ह जिहाद प्रतिबंधित कायदा करण्यात यावा अशी मागणी निवेदनात करण्यात आली आहे.

निषेध मोर्चात विविध हिंदुत्ववादी संघटनांच्या
पदाधिका-यांनी मनोगत व्यक्त करून बांगलादेश सरकारचा निषेध केला.निषेध मोर्चात सर्व हिंदुत्ववादी संघटनांचे पदाधिकारी,महिला मंडळाच्या पदाधिकारी, महिला,नागरिक,विविध राजकीय पक्षांचे पदाधिकारी हजारोच्या संख्येने सहभागी झाले होते.यामध्ये महिलांची उपस्थिती लक्षणीय होती.शहर बंद व मूक निषेध मोर्चा शांततेत पार पडला.पोलीस निरीक्षक यांचेसह
उपनिरीक्षक शरद बागल व पोलीस कर्मचा-यांनी शहरात गस्त घालून सर्वत्र पोलीस बंदोबस्त चोख ठेवला होता.

हे पण वाचा

• प्रेम संबंधांत अडसर ठरणाऱ्या नवऱ्याला प्रियकराच्या मदतीने दारू पाजली,अन् स्वत:च्याच हाताने कपाळाचं कुंकू पुसलं.
• तिसऱ्यांदा मुलगी झाल्याचा राग आला म्हणून नराधम पतीने पत्नीला पेट्रोल टाकून पेटवले, पेटलेल्या अवस्थेत धावली रस्त्यावर पण……
• मैं तेरे प्यार में पागल! ६ मुलांची आई पडली भिकाऱ्याच्या प्रेमात, घरातून रोख रक्कम घेवून भिकाऱ्यासोबत पळाली; पतीची पोलिसात तक्रार दाखल.
• Video:पत्रिका छापल्या, मंडप सजला नवरी म्हणाली, ‘माझं दुसऱ्यावर प्रेम आहे’, बापानं अन् भावानं गावासमोरच लेकीवर धाडधाड गोळ्या घातल्या ठार केल.
• Viral Video: लग्नादरम्यान अचानक वराचा मित्र स्टेजवर पोहोचला, वराच्या कानात कुजबुजला अन् क्षणार्धात मोडलं लग्न; पहा धक्कादायक व्हिडिओ.