सांगोला (मंगळवेढा) :- सहा वेगवेगळ्या जुगार अड्ड्यांवर छापा टाकून पोलीस अंमलदारांनी जप्त केलेल्या 7 लाख 85 हजार 969 रुपयांचा अपहार केल्याप्रकरणी सांगोल्याचे सहायक फौजदार तथा तत्कालीन मुद्देमाल, नगदी कारकून अब्दुल लतिफ अमरुद्दीन मुजावर यांच्यावर सांगोला पोलिसांत गुन्हा दाखल झाला आहे.गुन्हा दाखल होताच, सहायक फौजदार फरार झाले आहेत.
पोलिसांनी दिलेल्या माहितीनुसार, आरोपी तथा सहायक फौजदार अब्दुल मुजावर हे सांगोला पोलीस ठाण्यात कार्यरत असताना सन 2016 ते 2020 या कालावधीत विविध अंमलदारांनी सहा वेगवेगळ्या जुगारअड्डय़ांवर टाकलेल्या छाप्यात 7 लाख 85 हजार 969 रुपये जप्त केले होते. या सर्व पैशांचा अपहार करण्यात आला. नगदी कारकून यांनी ही रक्कम विहित मुदतीत शासनास भरणा केली नसल्याची फिर्याद सहायक पोलीस निरीक्षक सचिन जगताप यांनी दिली.
त्यानंतर 20 ऑगस्ट 2024 रोजी सहायक फौजदार अब्दुल मुजावर विरुद्ध गुन्हा दाखल करण्यात आला आहे. या घटनेचा अधिक तपास मंगळवेढय़ाचे पोलीस निरीक्षक महेश ढवाण करीत असून, आरोपीच्या शोधासाठी त्यांनी विशेष पथक नेमले आहे. या पथकाने सोलापूर शहर व अक्कलकोट तालुका पिंजून काढला आहे. मात्र, आरोपीस पकडण्यास यश आले नाही. दरम्यान, शासकीय रकमेवर कायद्याचे रक्षणकर्त्या पोलीस अधिकाऱ्यानेच डल्ला मारल्याची चर्चा जोरात सुरू आहे.
हे पण वाचा
- Viral Video: पोलीस स्टेशनबाहेरच गर्लफ्रेंड आणि बॉयफ्रेंडमध्ये जोरदार राडा; दोघांनी एकमेकांना धु धु धुतले पहा धक्कादायक व्हिडिओ.
- पैशाच्या लालसेपोटी सेवानिवृत्त परिचारीकेच्या केला होता खून; या गुन्ह्यातील ३० लाखांची रक्कम नातेवाईकांना केली परत.
- शेअर मार्केटिंगसाठी लोकांकडून पैसे का घेतो असे बोलण्याच्या राग आल्याने धरणगावात वृद्ध आजीवर नातवाने केला हल्ला. अज्ञाताने हल्ला करून पळून गेल्याच्या केला बनाव.
- पारोळा शिवारात 40 वर्षीय महिलेचा डोक्यात दगड टाकून खून;महिलेची ओळख पटली,आरोपी गजाआड, पारोळा पोलिसांची कामगिरी
- दोघांच्या लग्नाला झाली १३ वर्षे, अचानक महिलेस भेटला तिच्या प्रियकर, दोघांच्या मनावर राहिला नाही ताबा अन् मग पतीने असे केले की……
