भुसावळ : वरणगाव ऑर्डनन्स फॅक्टरीमध्ये सुपरवायझर असलेले ४८ वर्षीय व्यक्तीची सख्ख्या भावानेच प्लॉट विक्रीच्या वादातून डोक्यात बॅट टाकून हत्या केली. ही धक्कादायक घटना बुधवारी (ता. ११) दुपारी सव्वादोनच्या सुमारास घडली.प्रदीप जयसिंग इंगळेे (वय ४८) असे मृताचे नाव आहे. दरम्यान, हा खून मृताचा सख्खा भाऊ व वरणगाव ऑर्डनन्स फॅक्टरी काडतूस चोरी प्रकरणातील संशयित सतीश जयसिंग इंगळे याने केल्याने त्याला अटक केली आहे.
वरणगाव आयुध निर्माणीच्या वसाहतीत क्वार्टर क्रमांक ४४ टाईप थ्रीमध्ये प्रदीप इंगळे वास्तव्यास होते. वरणगाव फॅक्टरीत सुपरवायझर होते. बुधवारी ते ड्यूटीवर गेले व दुपारी ते जेवणासाठी घरी आल्यानंतर भाऊ सतीश इंगळे याच्यासोबत वाद झाला. लाकडी बॅट डोक्यात मारल्याने व घाव वर्मी बसल्याने प्रदीप इंगळे यांचा जागीच मृत्यू झाला.
पोलिस अधिकाऱ्यांची धाव
दरम्यान घटना घडल्यानंतर सतीश हा प्रदीपच्या मृतदेहाजवळ बसून होता.खुनाची माहिती कळताच भुसावळचे पोलिस उपअधीक्षक कृष्णांत पिंगळे, वरणगावचे सहाय्यक निरीक्षक भरत चौधरी, उपनिरीक्षक गांगुर्डे, उपनिरीक्षक सुशील सोनवणे, हवालदार संदीप बनसोडे, सुखराम सावकारे, होमगार्ड राम चौधरी, महेश चौधरी आदींनी घटनास्थळी धाव घेतली.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
