कोल्हापूर :- कारखाना खरेदी करण्यासाठी माहेरहून पैसे आणण्याकरिता वारंवार छळ केल्याने प्रियांका रणजित पाटील (वय ३१ रा. बाबूपार्क बहिरेवाडी ता. पन्हाळा) या महिलेने मंगळवारी राहत्या घरात बेडरूममधील फॅनला साडीने गळफास घेऊन आत्महत्या केली.आत्महत्येस प्रवृत्त केल्याप्रकरणी सहा जणांवर कोडोली पोलिस ठाण्यात मंगळवारी रात्री उशिरा गुन्हा दाखल केला. याप्रकरणी चौघांना अटक करण्यात आली. याबाबतची फिर्याद प्रियांकाचे वडील सुनील वसंतराव पवार, (रा. अहिल्यानगर, कुंडल, ता. पलुस, जि. सांगली) यांनी दिली आहे.

याबाबत पोलिसांकडून मिळालेली माहिती अशी, कुंडल येथील सुनील पवार यांची मुलगी प्रियांका हिचा विवाह बहिरेवाडी येथील रणजित सुभाष पाटील यांच्याशी २०१७ मध्ये झाला होता. सासरची मंडळी प्रियांकाला माहेरहून कारखाना खरेदीसाठी पैसे आणण्याची वारंवार मागणी करत होते. तिने माहेरून पाच लाख रुपये आणले होते. परंतु, अजून पाच लाख रुपये घेऊन यावे, असा तगादा सासरच्या लोकांनी लावला होता. तिने पैसे आणण्यास नकार दिल्याने शिवीगाळ, मारहाण करून त्रास दिला जात होता. सासरच्या मंडळींच्या सततच्या त्रासाला कंटाळून प्रियांकाने मंगळवारी आत्महत्या केली.

या घटनेची माहिती कुंडल येथील माहेरच्या नातेवाइकांना समजताच त्यांनी कोडोली पोलिसात पती, सासू, सासरे, नणंद, दीर, जाऊ या सहा जणांवर गुन्हा दाखल करण्याबाबत आग्रह धरला. गुन्हा दाखल केल्याशिवाय मृतदेहावर अंत्यसंस्कार करणार नाही, अशी भूमिका घेतल्याने तणावाचे वातावरण निर्माण झाले होते. मंगळवारी रात्री उशिरा पती रणजित सुभाष पाटील, सासरे सुभाष हिंदूराव पाटील, सासू शोभा पाटील, दीर विशाल पाटील, जाऊ प्रज्ञा पाटील व नणंद शीतल चव्हाण या सहा जणांवर गुन्हा दाखल केला आहे. पती, सासू, दीर व जाऊ यांना कोडोली पोलिसांनी अटक केली. पुढील तपास कोडोली पोलिस ठाण्याचे सहायक पोलिस निरीक्षक कैलास कोडग करीत आहेत.

हे पण वाचा

• शासकीय ज्वारी खरेदीत वर्षानुवर्षे शेतकऱ्यांना उद्भवणाऱ्या समस्यांना पुर्णविराम लागण्यासाठी आवश्यक ते नियोजन करूनच खरेदी सुरू करा…आ.अमोलदादा पाटील
• एका वयस्कर व्यक्तीस अंघोळ करताना नग्नावस्थेतील तरुणीच्या व्हिडीओ कॉल आला मग….. ब्लॅकमेलिंग करून 14 लाख 66 हजार उकळले,काय आहे प्रकरण वाचा.
• गुगलच्या मदतीने बनविलेले विषारी फुलांचे ज्यूस पाजून सैतान मुख्याध्यापिका पत्नीनं शिक्षक पतीला संपवलं; विद्यार्थ्यांच्या मदतीने जाळला मृतदेह पण……
• ३ लाख २५ हजार रुपयांचे सोन्याचे दागीने आणि रोख रक्कमेची घरफोडी करणाऱ्या चोरट्यास मेहूणबारे पोलिसांनी केले जेरबंद.
• सासूने घेतला चोरीचा आरोप कंटाळून महिलेने आत्महत्या करण्यासाठी कालव्यात मारली उडी वाचवण्यासाठी हवालदार धावला; महिला वाचली पण हवालदाराने जीव गमावला.