VIDEO बिहार :- लग्न ही कोणत्याही महिला किंवा पुरुषाच्या आयुष्यातील मोठी गोष्ट असते. काही जणांना वैवाहिक आयुष्यात अपयश येतं, घटस्फोट होतात. त्यापैकी काही जण दुसऱ्यांदा लग्न करतात, तर काही जण लग्न करत नाहीत; पण सोशल मीडियावर जो होत आहे, तो पाहता असं वाटतंय, की बिहारमधल्या एका महिलेसाठी लग्न म्हणजे अगदीच किरकोळ गोष्ट आहे.या व्हिडिओत ही महिला असं सांगते, की तिने आतापर्यंत 20 वेळा लग्न केलं आहे. हा व्हायरल व्हिडिओ पाहिल्यावर सोशल मीडिया युझर्स विविध प्रकारच्या प्रतिक्रिया देत आहेत.
सोशल मीडियावर एका मुलीचा होत आहे. व्हिडिओमध्ये मुलगी वधूचे कपडे घालून बेडवर बसलेली दिसत आहे. एक व्यक्ती तिला प्रश्न विचारत आहे, की तू आतापर्यंत किती लग्नं केली आहेस? त्यावर ती आतापर्यंत 20 लग्नं केली आहेत, असं उत्तर देते.या व्हिडिओमध्ये ती मुलगी म्हणत आहे, की तिचं वय सध्या 30 वर्षं असून, तिने आतापर्यंत 20 लग्नं केली आहेत. यापैकी तिच्या पाच-सहा पतींचा मृत्यू झाला, तर इतर पतींनी तिला सोडून दिलं. आता हा व्हिडिओ सोशल मीडियावर व्हायरल होत असून, लाखो लोकांनी तो पाहिला आहे.

व्हायरल व्हिडिओवर लोकांच्या प्रतिक्रिया
व्हायरल झालेल्या या व्हिडिओवर लोकांच्या संमिश्र प्रतिक्रिया येत आहेत. काहीजण हा व्हिडिओ पाहून मजा घेत आहेत, तर काही जण या व्हिडिओला स्क्रिप्टेड म्हणत आहेत. एका सोशल मीडिया युझरने लिहिलं आहे, की ही मुलगी 20 वेळा खरंच लग्न करू शकते का? दुसऱ्याने लिहिलं, की दोन-चार लग्नांनंतर नवरे थांबले नाहीत; पण आता तरी थांब. तुला नेमकं काय करायचं आहे?एका सोशल मीडिया युझरने लिहिलं, की हा व्हिडिओ स्क्रिप्टेड वाटत आहे. त्यामुळे यावर विश्वास ठेवता येणार नाही. आणखी एका युझरने लिहिलं, की ही मुलगी खोटं बोलत आहे. सोशल मीडियावर व्ह्यूज मिळावे यासाठी लोक काहीही करण्यास तयार असतात, त्यापैकीच हे असावेत. समाज कुठे चालला आहे? हे आवरा. नाही तर गोंधळ होईल, असं आणखी एका युझरने लिहिलं आहे.
हे पण वाचा
- हृदयद्रावक…सात जन्माचं वचन देताना नवरदेवाच्या छातीत कळ आली; लग्नाच्या विधींपूर्वीच वराने घेतला वधूच्या कुशीतच अखेरचा श्वास.
- धक्कादायक! पत्नीचे तिच्या मित्राशी प्रेमसंबंध असल्याच्या संशयावरून पतीने भररस्त्यावर चाकूने वार करून केली पत्नीची हत्या.
- अमळनेर तालुक्यातील 37 वर्षीय महिलेला लग्नाचे आमिष दाखवून वेळोवेळी अत्याचार.पोलिसात गुन्हा दाखल.
- शेतकऱ्यांनी ॲग्री स्टॉक मध्ये तात्काळ नोंदणी करावी-शेतकरी नेते सुनील देवरे ; महाराष्ट्र शेतकरी संघटना तालुकास्तरावर शिबिर आयोजित करणार
- एरंडोल मतदार संघाचे लोकप्रिय आमदार अमोलदादा पाटील यांच्या वाढदिवसा निम्मित वही तुला