पिंपरी चिंचवड :- शिवानी सुपेकर ही सव्वीस वर्षाची तरूणी विनायक आवळे नावाच्या वक्ती बरोबर लिव्ह इन रिलेशनशिपमध्ये होती. गेल्या काही वर्षापासून ते लिव्ह इन रिलेशनमध्ये पिंपरी चिंचवडमध्ये राहात होते.
विनायक हा रिक्षा ड्रायव्हर आहे. या दोघांचा काही कारणावरून वाद झाला. हा वाद टोकाला पोहोचला. त्यात विनायकने शिवानीचा गळा आवळला. त्यात तिचा जागीच मृत्यू झाला. त्यानंतर त्यांने तिचा मृतदेह रिक्षात टाकला. ती रिक्षा त्याने शिवानीच्या आईच्या घरा समोर सोडली. त्यानंतर तो फरार झाला.
सकाळ झाल्यानंतर काही लोकांना संशय आला. त्यांनी रिक्षाच्या आत डोकावून पाहीलं. त्यावेळी त्यांना आतमध्ये शिवानीचा मृतदेह दिसून आला. त्यानंतर तातडीने पोलीसांना बोलावण्यात आले. पोलीसांनी या संपूर्ण प्रकरणाची माहिती घेतली. तिच्या प्रियकराचा शोध घेण्यात आला. पण ते हत्या करून फरार झाला होता. त्याला शोधण्यासाठी पोलीस त्याच्या मागावर आहेत.
विनायक आवळे यानेच हा खून केला असावा असा अंदाज पोलीसांनी वर्तवला आहे. वाकड पोलीस त्याचा अधिक शोध घेत आहेत. शिवानी सुपेकर हिचा विवाह झाला होता. मात्र तिचे तिच्या नवऱ्या बरोबर पटत नव्हते. या दोघांमध्ये वारंवार खटके उडत होते. याच काळात शिवानीच्या आयुष्यात रिक्षा चालक असलेला विनायक आला. गेल्या दोन अडीच वर्षापासून ते लिव्ह इन रिलेशनमध्ये राहात होते.
हे पण वाचा
- पाच मुलांच्या आईचे सूत जुळले 20 वर्षे लहान तरुणासोबत,दोघे राहिले लिव्ह-इन-रिलेशनमध्ये,तिला आठवणी आली पतीची, अन् भररस्त्यात…..
- अखिल भारतीय ग्राहक पंचायतच्या धरणगाव तालुकाध्यक्षपदी विनायक महाजन यांची नियुक्ती
- एरंडोल येथे तालुका व शहर काँग्रेस कमिटीची बैठक संपन्न.
- होय एरंडोलच : अखेर ॲड. आकाश महाजन यांचा प्रयत्नांना यश.
- 80 हजारांची लाच स्वीकारताच एरंडोल तालुक्यातील रिंगणगाव सरपंचांसह तिघांना एसीबीने ठोकल्या बेड्या.
