एरंडोल :- एरंडोल पारोळा निवडणुकीसाठी दुसऱ्या टप्प्यात आता निवडणूकीच्या प्रचाराने जोर धरला आहे. प्रत्येक उमेदवार आपल्या वरिष्ठ नेत्यांच्या उपस्थितीत जाहीर सभेचे किंवा रॅलीचे आयोजन करण्यात येत आहे.या अनुषंगाने पारोळा-एरंडोल विधानसभा मतदारसंघातील महायुतीचे उमेदवार अमोलदादा पाटील यांच्या प्रचारासाठी सिने अभिनेते गोविंदा आहुजा यांच्या रॅलीचे भव्य रोड शोचे आयोजन आज शनिवार १६ नोव्हेंबर रोजी सायंकाळी पांच वाजता करण्यात आले आहे.
एरंडोल-पारोळा विधानसभा मतदारसंघात शिवसेना शिंदे पक्ष महायुतीचे उमेदवार अमोलदादा पाटील यांचा मतदारसंघात जोरदार प्रचार सुरू झाला आहे. त्यामुळे मतदारसंघातील प्रत्येक भागात महायुतीचे कार्यकर्ते अमोलदादांचा प्रचार करत आहे. तसेच अमोलदादा पाटील हे देखील मतदार संघात प्रत्येक गावात जाऊन नागरिकांशी संवाद साधत आहे. अमोलदादा पाटील यांच्या प्रचारार्थ सिने अभिनेते गोविंदा हे एरंडोल शहरात आज शनिवार १६ नोव्हेंबर रोजी सायंकाळी पांच वाजता येत आहे.
दरम्यान सिने अभिनेता गोविंदा यांच्या रोड शोची सुरुवात डॉक्टर बाबासाहेब आंबेडकर यांच्या पुतळ्यापासून सुरुवात होणार आहे हा रोडशो महात्मा फुले पुतळा, नागोबा मढी, अंमळनेर दरवाजा श्री विठ्ठल मंदिर पांडव वाडा, श्रीराम मंदिर,भोई गल्ली, जे डी सी सी बँक, राजे छत्रपती शिवाजी महाराज पुतळा, बुधवार दरवाजा, चुनाभट्टी, रंगारी खिडकी पूल, श्री दत्त मंदिर, जय हिंद चौक, मेन रोड, व जोहरी गल्लीतील गुरुद्वारावर या रोड शोच्या समारोप होणार आहे
