Viral Video:- गांधी कॉलनीमधील एका मजुराचा संशयास्पद मृत्यू झाला. यानंतर त्याच्या लहान भावाने जितेंद्रने भावाच्या पत्नी, मुली,मेहुणा आणि जावयावरती हत्येचा आरोप लावला आहे. या सगळ्यांनी मिळून हरेंद्र यांना बेदम मारहाण केली.पण या सगळ्यांनी त्याला आत्महत्येचं रुप देण्याचा प्रयत्न केला. एक व्हिडीओ समोर आला ज्यामध्ये ही आत्महत्या नसून हत्या केल्याचे स्पष्ट झालं आहे. यामध्ये पत्नी आणि मुलगी हरेद्रला बेदम मारहाण करत असल्याचं दिसत आहे.
संशयास्पद मृत्यू
शनिवारी रात्री मोरेना शहरातील गांधी कॉलनीत हरेंद्र मौर्य (42) या कामगाराचा मृत्यू झाला. मृत्यूची परिस्थिती संशयास्पद आहे. हरेंद्र यांचे धाकटे भाऊ जितेंद्र मौर्य यांनी गंभीर आरोप केले आहेत. त्यांचे म्हणणे की, वहिनी रचना, भाची, मेहुणा आणि जावई यांनी मिळून हरेंद्रला मारहाण केली, ज्यामुळे त्याचा मृत्यू झाला. आरोपीने ते आत्महत्येसारखे दाखवण्याचा प्रयत्न केला. त्यांनी हरेंद्रला रुग्णालयात नेले आणि लोकांना सांगितले की त्यांनी गळफास घेतला आहे.
शरीरावर आढळल्या जखमांच्या खुणा
जितेंद्रने सांगितले की, हरेंद्रच्या शरीरावर जखमांच्या खुणा होत्या, ज्यावरून ही आत्महत्या नसून हत्या असल्याचं स्पष्ट होत होतं. त्याने पोलिसांना एक व्हिडिओही दाखवला आहे. या व्हिडिओमध्ये रचना आणि तिची मुलगी हरेंद्रला काठीने मारहाण करताना दिसत आहेत. व्हिडिओमध्ये एक मुलगा देखील आहे, जो हरेंद्रचे पाय धरून आहे. हा व्हिडिओ सोशल मीडियावर व्हायरल होत आहे.
पती-पत्नीमध्ये भांडणे झाली
हरेंद्र आणि रचना यांच्यात वारंवार भांडणे होत असत. जितेंद्रने दिलेल्या माहितीनुसार, रचनाने तिच्या मुलांनाही त्यांच्या वडिलांविरुद्ध भडकवले होते. हरेंद्रला तीन मुली आणि एक मुलगा आहे. मोठ्या मुलीचे लग्न झाले आहे. जितेंद्रचा दावा आहे की त्याचा मेहुणा आणि जावई हरेंद्रला रुग्णालयात घेऊन गेले होते. त्याने जाणूनबुजून लोकांना दिशाभूल करण्याचा प्रयत्न केला.
पोलिसांचा तपास सुरु
सध्या पोलिसांनी गुन्हा दाखल केला आहे आणि प्रकरणाचा तपास करत आहेत. हरेंद्र यांचे शवविच्छेदन ग्वाल्हेरमध्ये करण्यात आले. शवविच्छेदन अहवाल आल्यानंतरच मृत्यूचे खरे कारण कळेल. पोलीस व्हिडिओचीही चौकशी करत आहेत. जर आरोप खरे आढळले तर आरोपींवर कठोर कारवाई केली जाईल.
